Búgin Ońtústik Qazaqstan oblysynyń ákimi Janseiit Túimebaev arnaiy saparmen Túrkistan qalasynda bolyp birneshe áleýmettik nysandardyń ashylý saltanatyna qatysty, dep habarlaidy "Ult aqparat" oblys ákiminiń baspasóz qyzmetine silteme jasap.
Aimaq basshysy aldymen Túrkistan qalasyna qarasty Shornaq aýyldyq okrýginiń ortalyǵyndaǵy aýysymyna 100 naýqas qabyldaityn emhanany ashty.
«Oblysymyzda sońǵy bes jylda 200-den astam densaýlyq saqtaý nysandary salyndy, 100-den astam nysandarda kúrdeli jóndeý jumystary júrgizildi, jyl saiyn meditsinalyq qural jabdyqtar jańartylyp, jabdyqtalý kórsetkishi 65 paiyzdan asyp otyr. Biylǵy jyly oblysymyzda 34 nysan salynyp, iske qosylady. Sol nysandardyń biri – Shornaq aýylyndaǵy emhana. Osy emhanada jumys atqaratyn meditsina qyzmetkerleri jańa ǵimaratta aýrýdy aldyn alýda, emdeýde sapaly meditsinalyq qyzmet kórsetetin bolady. Jańa emhana qutty bolsyn aǵaiyn, halyq igiligine paidalansyn!»-dedi ákim.
Saltanatty túrde ashylǵan Túrkistan qalalyq emhanasyna qarasty Shornaq aýyldyq emhanasy búgingi zamanaýi úlgide, jańa talaptarǵa sai salynyp, jasaqtalǵan. Burynǵy aýyldyq kishigirim eski emhanany jańartý maqsatynda, sondai-aq, eń ózekti máseleniń biri – halyq densaýlyǵyn jaqsartý úshin boi kótergen bul jańa ǵimarattyń qurylysy 2016 jyly bastalǵan bolatyn. Búginde 231 mln. teńgege salynǵan emhananyń ǵimaraty zaman talabyna sai jabdyqtalǵan. Emxana ǵimaratynyń qurylysyn A.Berdash basqaratyn merdiger TOO «As Stroi» júrgizgen.
Shornaq aýyldyq emhanasy kúnine 100 turǵyn qabyldaýǵa arnalǵan. 2 qabatty emhanada 51 bólme men 8 tósek oryndy kúndizgi bólimi bar. Emhanada jumys atqaratyn 61 qyzmetkerdiń 7-eýi dáriger, 37-si meiirbike, 17-si kishi qyzmetker.
Sapar barysynda oblys ákimi Júinek aýyldyq okrýgindegi 120 oryndyq «Shamshyraq» balabaqshasynyń ashylý saltanatyna qatysty. Júinek aýyldyq okrýgindegi 120 oryndyq «Shamshyraq» bala baqshasyn ashýdaǵy negizgi maqsat – aýyl okrýgine qarasty orta mektep ishindegi 234 balamen jumys jasap istep shaǵyn ortalyqty ornalastyrý úshin, mektep ǵimaratyndaǵy synyp jetispeýshiligi máselesin sheshýge iaǵni arnaiy bala baqshaǵa arnap salynǵan ǵimarattyń qajettiliginen týyndaǵan.
Balabaqsha ǵimaratynyń qurylys jumystaryn 2016 jyldyń sáýir aiynan beri bas merdiger «Nysh - Er» JShS-gi júrgizip, 2017 jyldyń mamyr aiynda aiaqtap, búgin qoldanysqa berdi. 120 balaǵa arnalǵan «Shamshyraq» bala baqshasy búginde qajetti qural-jabdyqtarmen tolyq qamtylǵan.
Oblys ákimi kelesi aialdaǵan nysan Qarashyq eldi mekenindegi «Turan» aýyl sharýashylyǵy kooperativi boldy. Habibýlla Azimov basshylyq jasaityn «Turan» aýyl sharýashylyǵy kooperativi 2007 jyldan beri jumys istep kele jatyr. Sodan beri kooperativte tamshylatyp sýǵarý tehnologiiasy qoldanylǵan maqtanyń egis alqabynda maqta jáne maqta talshyǵy ónimderi óndiriledi. 156 jumysshy eńbek etetin bul «Turan» aýyl sharýashylyǵy kooperativi óz jumysyn jandandyryp, 2016 jyly arnaiy zamanaýi qurylǵylarmen jabdyqtalǵan sút óńdeý tsehyn ashty. Búginde halyqtyń kúndelikti tutynatyn sút, sary mai, syr, qaimaq, airan syndy sút ónimderiniń birneshe túrlerin óndiredi. Atalmysh kooperativtiń sút óńdeý tsehynyń smetalyq quny 195 mln teńge qurasa, kásiporyn basshylyǵy tsehta eńbek etetin 12 jumysshyǵa aiyna 55-60 myń teńge kóleminde jalaqy tóleidi. Qazirgi tańda kápsiporyn ónimderi jergilikti halyq igiligine tolyq tutynýǵa bolatyn sapaly, ári senimdi, baǵasy tiimdi. Aita keterligi munda sút ónimderinen bólek, maqta maiy, kir sabyn, maqtadan mal azyǵynyń birneshe túri daiyndalady. Jáne de tamshylatyp sýarý qurylǵylaryn shyǵaratyn tseh jumys istep tur.
