Ońtústik Qazaqstan oblysynyń ákimi Janseiit Túimebaev búgin «Qazatomprom» UAK» AQ basqarma tóraǵasy Ǵalymjan Pirmatovpen kezdesti. Kezdesý barysynda eki jaqty áriptestikke qatysty birneshe másele talqylandy, dep habarlaidy "Ult aqparat".
Óńir basshysy ýran óndiretin kásiporynnyń oblys úshin asa mańyzdy ekenin atap ótip, kompaniia ókilderin kásibi merekeleri – atom óndirisi qyzmetkerleriniń kúnimen quttyqtady.
«Qazatomprom» kompaniiasy oblysymyzdyń áleýmettik-ekonomikalyq damýyna edáýir úles qosýda. Óndiriste sońǵy úlgidegi jańa tehnologiialar qoldanylýda. Kásiporynǵa qajet qurylǵylardyń kóbisi bizdiń oblysta shyǵarylady. Biz ulttyq kompaniiamen áriptestigimizdi odan ári jalǵastyramyz», - dedi Janseiit Túimebaev.
Óz kezeginde Ǵalymjan Pirmatov kompaniiaǵa kórsetilip otyrǵan jan-jaqty qoldaý úshin óńir basshysyna alǵys bildirdi.
«Qazatomprom» oblysymyzdyń áleýmettik-ekonomikalyq damýyna belsendi úles qosýyn jáne áriptestik bailanysty ári qarai damytýdy jalǵastyra beredi. Ulttyq kompaniia óńirimizdiń jalpy óniminiń 13 paiyzǵa jýyǵyn óndiredi. Búgingi tańda jergilikti taýar óndirýshilerge qoldaý kórsetý úshin óńirimizdegi taýar jetkizýshilermen kelisim-sharttar jasalǵan», - dedi Ǵ.Pirmatov.
Aita ketý kerek, «Qazatomprom» UAK» AQ – Qazaqstannyń ýran eksporttaý men ony qosý, atom elektr stantsiialaryna qajet iadrolyq otyn, arnaiy qurylǵylar men materialdar, tehnologiiany damytý boiynsha ulttyq operatory. «Qazatomprom» álemdegi ýran óndiretin jetekshi kompaniialardyń biri sanalady jáne Qazaqstan Respýblikasyndaǵy balamaly energetikany damytý baǵdarlamasynyń qatysýshysy.
