Ońtústik Qazaqstan oblysynyń ákimi Janseiit Túimebaev Iran Islam Respýblikasynyń Horasan Razavi provintsiiasynyń gýbernatory Alirez Rashidian bastaǵan delegatsiiany qabyldady. Aimaq basshysy sheteldik qonaqtardy Ońtústiktiń investitsiialyq áleýetimen, aýyl sharýashylyǵy salasyndaǵy jetistikterimen tanystyrdy, dep habarlaidy "Ult aqparat".
Aimaq basshysy Ońtústik pen Iran provintsiialary arasynda, onyń ishinde Horasan Razavi aimaǵymen ózara tiimdi saýda-ekonomikalyq, investitsiialyq jáne mádeni-gýmanitarlyq bailanysty arttyrýdyń mol múmkindigi bar ekenin atap ótti.
«Sizben kezdesip otyrǵanyma jáne Ońtústik Qazaqstan oblysy men Horasan provintsiiasy arasyndaǵy eki jaqty bailanysty damytý boiynsha pikir almasýǵa qýanyshtymyn, Gýbernator myrza. Iran - Qazaqstan Respýblikasynyń táýelsizdigin alǵash bolyp moiyndaǵan elderdiń biri. Biz biyl eki el arasyndaǵy diplomatiialyq bailanystyń ornaǵanyna 25 jyl tolýyn atap ótemiz. Iran - Qazaqstannyń Taiaý Shyǵys elderi arasyndaǵy ekinshi saýda áriptesi (BAÁ elinen keiin). Qazaqstan men Iran ShYU, IYU jáne basqa da bedeldi halyqaralyq uiymdar arasynda belsendi bailanys jasaýda. Eki eldiń EAEO aiasyndaǵy qarym-qatynasy da tiimdi ári bolashaǵy jarqyn bolmaq», - dedi Janseiit Qanseiituly.
Aita keteiik, Iran - damyǵan indýstrialdy-agrarly el. Onda óndiris, munai-gaz salasy men aýyl sharýashylyǵy jaqsy damyǵan. Edáýir ekonomikalyq áleýeti bar. Aita keteiik, 2016 jyly OQO-nyń syrtqy taýar ainalymy 1,9 mlrd AQSh dollaryn qurasa, sonyń ishinde 19 mln AQSh dollary Iran Islam Respýblikasymen jasalǵan. Ońtústikten Iranǵa jańǵaq, arpa, tsement, bylǵary buiymdary eksporttalsa, Irannan bizdiń óńirge negizinen qurylys materialdary, qubyrlar, keramika buiymdary, santehnika, turmystyq himiia, kilem jáne jemis-jidekter tasymaldanady.
Óz kezeginde gýbernator Alireza Rashidian túrli salada tyǵyz bailanysty damytýǵa daiyn ekenin jetkizdi. Kezdesý barysynda aimaqtar arasyndaǵy jii import jáne eksporttalatyn taýarlardy tańdap, solar boiynsha birikken jańa óndiris ornyn ashý boiynsha birge jumys isteý týraly usynys jasaldy.
Iran delegatsiiasy eki kúndik is-sapar barysynda oblystyń investitsiialyq múmkindigimen tanysyp, «Kórme» ortalyǵyn, óńirdegi kásiporyndardy aralamaq. Buǵan qosa biznes-qaýymdastyq ókilderimen kezdesip, tarihi oryndardy aralaidy dep josparlaýda.
