Ońtústik Qazaqstan oblysynyń ákimi J.Túimebaev Astanadaǵy memlekettik qyzmet salasyndaǵy Óńirlik hab basqarýshy komitetiniń tóraǵasy Á.Baimenovpen kezdesti.
Kezdesý barysynda qos tarap OQO ákimdigi men Astana qalasyndaǵy Memlekettik qyzmet salasyndaǵy aimaqtyq hab arasyndaǵy yntymaqtastyq týraly memorandýmǵa qol qoidy, dep habarlaidy OQO ákiminiń baspasóz qyzmeti.
Atalǵan memorandým aiasynda memlekettik basqarý men memlekettik qyzmet júiesiniń ózekti baǵyttary kózdelgen. Máselen, Ákimdik pen Aimaqtyq hab jobalyq menedjment, memlekettik qyzmet kórsetýdiń sapasyn arttyrý, adam resýrstaryn basqarý jáne basqa da ózekti salalardaǵy bilim berý jáne ǵylymi-zertteýshilik sipattaǵy sharalarǵa qatysa alady.
Jiynda sóz alǵan aimaq basshysy Ońtústik Qazaqstan oblysy qazirgi ýaqytta halyq sany boiynsha respýblikada birinshi orynda ekenin jáne áleýmettik-ekonomikalyq damýynyń turaqty ósim tendentsiiasy qalyptasqan óńirlerdiń biri ekenin aitty.
«Osy óńirimizdiń odan ári turaqty órkendeýine sózsiz qomaqty úles qosatyn memlekettik qyzmetshiler bolyp tabylady. Qazirgi ýaqytta óńirimizde jergilikti atqarýshy organdarda 4573 birlik kózdelgen. Ústimizdegi jyly Memleket basshysynyń tiisti jarlyǵyna sáikes ákimdiktiń 3700 den asa memlekettik qyzmetshisi keshendi attestattaýdan ótkizildi. Budan basqa, osy jyly memlekettik qyzmetshilerdi oqytýǵa 53 mln 441 myń teńge bólingen bolatyn. Búgingi kúnge deiin 1254 memlekettik qyzmetshi biliktiligin arttyryp, 490-y qaita daiarlaýdan ótti. Sonymen qatar, biyl 3 qyzmetshi «Bolashaq» halyqaralyq baǵdarlamasynyń stipendiaty atansa, 7 qyzmetshi Qazaqstan Respýblikasy Prezidenti janyndaǵy Memlekettik basqarý akademiiasyna oqýǵa qabyldandy», - dedi ákim.
Úsh millionǵa jýyq adam shoǵyrlanǵan Ońtústik óńirinde memlekettik qyzmetshiler tarapynan halyqqa qyzmet kórsetýde qordalanǵan máseleler az emes ekenin aitqan óńir basshysy oblystaǵy bir memlekettik qyzmetshige 650 - den astam qyzmet alýshy kúndelikti júginetinin jetkizdi.
Óz kezeginde Óńirlik hab basqarýshy komitetiniń tóraǵasy Á.Baimenov búgingi memorandým osy memlekettik qyzmetshilerdiń halyqqa kórsetetin qyzmetiniń sapasyn arttyrýǵa, Elbasynyń belgilegen maqsat jáne mindetterin oryndaýdaǵy jumystaryn jetildirýde yqpaly mol bolatynyna sendirdi. Iaǵni, qol qoiylǵan memorandým transformatsiia jáne kadrlyq áleýetti arttyrýda bizdiń óńirdiń memlekettik apparatynyń jumysyna oń septigin tigizetin bolady.
