Indýstriia jáne infraqurylymdyq damý ministrligi halyqqa jylyna 4 paiyzben avtonesie berýdiń jańa baǵdarlamasyn ázirleýdi qarastyryp jatyr. Bul týraly "Habar" telearnasyndaǵy "Bolshaia nedelia" tok-shoýynda indýstriia jáne innovatsiialyq damý vitse-ministri Marat Qarabaev málimdedi, - dep habarlaidy Tengrinews.kz tilshisi.
Vitse-ministr Prezident Qasym-Jomart Toqaevtyń tapsyrmasy boiynsha mólsherlemelerdi qaita qaraý jumystary júrgizilip jatqanyn málimdedi. Onyń aitýynsha, 21 qańtarda ministrlik 100-ge jýyq adamnan turatyn jumys tobymen, biznesmendermen, belsendilermen jáne jurtshylyqpen kezdesti.
"Kelesi aptada ár sektor boiynsha jumys bastaimyz (kádege jaratý tólemi boiynsha mólsherlemelerdi qaita qaraý), iaǵni kabeldi-ótkizgish ónim bólek, avtokólik ónerkásibi bólek, aýyl sharýashylyǵy tehnikasy bólek. (...) Qandai da bir sanattar boiynsha 20 paiyzǵa deiin, Qazaqstanda óndirilmeitin qandai da bir sanattar boiynsha 30-40 paiyzǵa deiin mólsherlemelerdi azaitý talqylanyp jatyr", - dedi ol.
