Foto: azh.kz
QR Bala quqyqtary jónindegi ýákil Dinara Zakieva qazaqstandyq ballady 1 maýsym balalardy qorǵaý kúnimen quttyqtady, dep habarlaidy «Ult aqparat».
«Qymbatty balalar, mereke qutty bolsyn! Biz sizdermen, bizdiń aqyldy, talantty, úmit artqan balalarymyzben maqtanamyz! Elimizdiń betke ustar azamattary bolasyzdar dep senemin.
Sizderge shyn júrekten qyzyqty da tanymdy balalyq shaq, baqyt, densaýlyq jáne amandyq tileimi
Qurmetti qazaqstandyqtar! Sizderdi Halyqaralyq balalardy qorǵaý kúnimen quttyqtaimyn! Qazaqstanda biz bul saltanatty kúndi dástúrli túrde mereke retinde atap ótemiz. Balalar elimizdiń eń mańyzdy qundylyǵy!
Sonymen qatar, balalardy qorǵaý, olardyń quqyqtaryn qamtamasyz etý jáne qolaily ómir súrý jaǵdailaryn jasaý qoǵamnyń ár múshesi úshin basymdyq ekenin bárimiz túsinýimiz kerek! Balalar qaýipsizdigi men ál-aýqaty – ortaq maqsat.
Ár balanyń ómiri men qaýipsizdigi eresekterge jáne eń aldymen onyń ata-anasyna bailanysty. Ata-ana retinde balalarymyzdyń taǵdyry úshin birinshi kezekte biz jaýapty ekeninimizdi únemi este ustaýymyz kerek», dep jazǵan QR Bala quqyqtary jónindegi ýákil Dinara Zakieva.
Onyń aitýynsha, ókinishke qarai, statistika balalarǵa qaýiptiń jii tónetinin kórsetedi. Kún saiyn 3 bala terezeden qulap, ýlanýdan, jaraqattanýdan, kólik apatynan qaitys bolyp jatyr. Zorlyq-zombylyqqa qatysty tragediialardyń kóbin boldyrmaýǵa bolýshy edi, 70% jaǵdaida ainaladaǵy adamdar ýaqytynda áreket etpeidi.
«Sondyqtan búgin, Balalardy qorǵaý kúni, men, qymbatty ata-analar, eresekter, bárińizdi, balalarǵa sezimtaldyq pen jaýapkershilik tanytýǵa, balalar qorǵaýshysy bolýǵa, olarǵa qiyn jaǵdaida kómektesýge, balalarǵa qatysty zorlyq-zombylyq pen qatygezdikti boldyrmaýǵa shaqyramyn!
Bizdiń balalyq shaqty qorǵaýdyń ulttyq júiesinde biz biliktiń barlyq tarmaqtarynyń, azamattyq qoǵamnyń, úkimettik emes jáne halyqaralyq uiymdardyń tyǵyz ózara is-qimyly men qoldaýyna senemiz.
Bárimiz birge balalarymyzdyń baqytty balalyq shaǵy úshin qajet nárseniń bárin jasai alatynymyzǵa kámil senemin!», dep jazǵan QR Bala quqyqtary jónindegi ýákil Dinara Zakieva.
