"Qorǵaý Astana" qorynyń jetekshisi Anna Ryldyń kóligi Jambyl oblysyndaǵy tasjolda birneshe ret aýdarylyp qaldy. Jolda janýardyń óleksesi jatqan. Kólikte áiel otbasymen otyrǵan, - dep habarlaidy Tengrinews.kz agenttigi.
"Qor jumysymen Shymkentte boldyq. Sonda Nur-Sultandaǵy baspanaǵa kórpe-jastyq satyp aldyq. Qaityp kele jatqanymyzda, Priozerskige 100 shaqyrymdai jetpei, kóligimiz joldan ushyp ketip, birneshe ret aýdarylyp qaldy. Rólde kúieýim bolǵan", - dedi qor basshysy.
Anna Ryl apat 10 qyrkúiekke qaraǵan túni bolǵanyn aitty. Jol nashar jaryqtandyrylǵan, soqtyǵysýdan qashý múmkin bolmaǵan.
"Qarańǵy jolda ógizdiń óleksesi jatty, biz soǵan soǵyldyq, men artqy jaǵynda otyrǵanmyn, al ulym uiyqtap jatty. Tasjoldan ushyp ketip, aýdarylyp qaldyq. Alan kóliktiń tóbesine soǵyldy. Ony sol qolymmen qushaqtap ustap, oń qolymdy tóbege tiredim, eńispen ainalyp qulai berdik. Órt shyǵa ma dep qoryqtym, Sasha shyǵyp, bizge júgirdi, esikti áreń ashyp, shyǵaryp aldy. Sodan keiin adamdar toqtady, jedel járdem keldi, politsiia keldi", - dedi áiel.
Onyń aitýynsha, buqany KamAZ qaǵyp, jolda qaldyryp ketken.
"Jol apatynan birneshe saǵat ótken soń ólekse joǵalyp ketti, iesi de joq. Saqtandyrý kompaniiasy janýar iesiz bolǵandyqtan, ótemaqy tóleýden bas tartty, jol jóndeýden ótip jatyr, ákimdiktiń qatysy joq. Biz ǵana buzylǵan kólikpen qaldyq. Ol - jumys kóligi. Onymen adamdardyń kórpe-tósegi, azyq-túligi tasymaldanatyn. Sirá, ony jóndeý múmkin emes", - dep túsindirdi quqyq qorǵaýshy.
Kólikti qalpyna keltirýge kómektesemin deýshiler Anna Rylǵa +7 702 892 97 77 telefony arqyly habarlasa alady.
"Árine, bizge yńǵaisyz, biraq qazir kómekten bas tartpaimyz. Kólik qordyń muqtajy úshin alynǵan, qorǵa kólik bolmasa qiyn bolady", - dep qosty ol.
