"قورعاۋ استانا" قورىنىڭ جەتەكشٸسٸ اننا رىلدىڭ كٶلٸگٸ جامبىل وبلىسىنداعى تاسجولدا بٸرنەشە رەت اۋدارىلىپ قالدى. جولدا جانۋاردىڭ ٶلەكسەسٸ جاتقان. كٶلٸكتە ەيەل وتباسىمەن وتىرعان, - دەپ حابارلايدى Tengrinews.kz اگەنتتٸگٸ.
"قور جۇمىسىمەن شىمكەنتتە بولدىق. سوندا نۇر-سۇلتانداعى باسپاناعا كٶرپە-جاستىق ساتىپ الدىق. قايتىپ كەلە جاتقانىمىزدا, پريوزەرسكٸگە 100 شاقىرىمداي جەتپەي, كٶلٸگٸمٸز جولدان ۇشىپ كەتٸپ, بٸرنەشە رەت اۋدارىلىپ قالدى. رٶلدە كٷيەۋٸم بولعان", - دەدٸ قور باسشىسى.
اننا رىل اپات 10 قىركٷيەككە قاراعان تٷنٸ بولعانىن ايتتى. جول ناشار جارىقتاندىرىلعان, سوقتىعىسۋدان قاشۋ مٷمكٸن بولماعان.
"قاراڭعى جولدا ٶگٸزدٸڭ ٶلەكسەسٸ جاتتى, بٸز سوعان سوعىلدىق, مەن ارتقى جاعىندا وتىرعانمىن, ال ۇلىم ۇيىقتاپ جاتتى. تاسجولدان ۇشىپ كەتٸپ, اۋدارىلىپ قالدىق. الان كٶلٸكتٸڭ تٶبەسٸنە سوعىلدى. ونى سول قولىممەن قۇشاقتاپ ۇستاپ, وڭ قولىمدى تٶبەگە تٸرەدٸم, ەڭٸسپەن اينالىپ قۇلاي بەردٸك. ٶرت شىعا ما دەپ قورىقتىم, ساشا شىعىپ, بٸزگە جٷگٸردٸ, ەسٸكتٸ ەرەڭ اشىپ, شىعارىپ الدى. سودان كەيٸن ادامدار توقتادى, جەدەل جەردەم كەلدٸ, پوليتسييا كەلدٸ", - دەدٸ ەيەل.
ونىڭ ايتۋىنشا, بۇقانى كاماز قاعىپ, جولدا قالدىرىپ كەتكەن.
"جول اپاتىنان بٸرنەشە ساعات ٶتكەن سوڭ ٶلەكسە جوعالىپ كەتتٸ, يەسٸ دە جوق. ساقتاندىرۋ كومپانيياسى جانۋار يەسٸز بولعاندىقتان, ٶتەماقى تٶلەۋدەن باس تارتتى, جول جٶندەۋدەن ٶتٸپ جاتىر, ەكٸمدٸكتٸڭ قاتىسى جوق. بٸز عانا بۇزىلعان كٶلٸكپەن قالدىق. ول - جۇمىس كٶلٸگٸ. ونىمەن ادامداردىڭ كٶرپە-تٶسەگٸ, ازىق-تٷلٸگٸ تاسىمالداناتىن. سٸرە, ونى جٶندەۋ مٷمكٸن ەمەس", - دەپ تٷسٸندٸردٸ قۇقىق قورعاۋشى.
كٶلٸكتٸ قالپىنا كەلتٸرۋگە كٶمەكتەسەمٸن دەۋشٸلەر اننا رىلعا +7 702 892 97 77 تەلەفونى ارقىلى حابارلاسا الادى.
"ەرينە, بٸزگە ىڭعايسىز, بٸراق قازٸر كٶمەكتەن باس تارتپايمىز. كٶلٸك قوردىڭ مۇقتاجى ٷشٸن الىنعان, قورعا كٶلٸك بولماسا قيىن بولادى", - دەپ قوستى ول.
