Djýzefina laqap atymen tanylǵan bloger Juldyz Jaýynbaevaǵa qatysty áleýmettik jelidegi daýly tikelei efirlerden keiin ákimshilik is qozǵaldy, dep habarlaidy ult.kz.
Qostanai oblystyq politsiia departamentiniń málimetinshe, blogerdiń beinejazbalary áleýmettik jelilerde keńinen taraǵan. Tekserý barysynda onyń tikelei efir kezinde beiádep sózder aityp, qoǵamdyq tártipke qaishy áreketter jasaǵany anyqtalǵan.
Politsiia qyzmetkerleri jariialanǵan materialdardy zerttep, blogerdiń týystarynan túsinikteme alǵan. Vedomstvonyń habarlaýynsha, qyzdyń ata-anasy efir barysynda aitylǵan málimetterdiń shyndyqqa sáikes kelmeitinin málimdegen. Sondai-aq olar qyzdarymen uzaq ýaqyttan beri bailanysta bolmaǵandaryn aitqan.
Qazirgi ýaqytta politsiia barlyq taraptyń ýájderin tekserip jatyr. Ata-anasynyń aryzy negizinde jalǵan aqparat taratty degen derek boiynsha ákimshilik is qozǵalǵan. Sonymen qatar bloger usaq buzaqylyq faktisi boiynsha da jaýapkershilikke tartylýy múmkin.
Politsiia azamattardy áleýmettik jelilerde taratylatyn aqparattyń durystyǵyna jaýapkershilikpen qaraýǵa shaqyrdy.
Eske salaiyq, Juldyz Jaýynbaeva buǵan deiin tikelei efirde otbasysyna qatysty aýyr aiyptaýlar aityp, qoǵamda qyzý talqy týdyrǵan bolatyn.
Sondai-aq bloger men ánshi Qanay arasynda áleýmettik jelide daý týǵany habarlanǵan. Jaýynbaeva ánshige qatysty jazbalar jariialap, onyń áreketterin synǵa alǵan. Óz kezeginde bloger kópshilik aldynda «barlyq shyndyqty aitýǵa daiyn ekenin» málimdegen.
