Saturday Night Live keshkilik shoýynda kórsetilgen Barak Obamamen Donald Trampqa jasalǵa parodiiada Qazaqstan týraly ázil aityldy, - dep habarlaidy kaz.tengrinews.kz tilshisi. Baǵdarlama avtorlary Aq úidiń Barak Obama jáne AQSh-tyń jańa prezidenti Donald Tramp "jii sóilesedi" degen málimeti boiynsha ázildi kórinis jasady.
Saturday Night Live júrgizýshisi Konan O'Braien bolyp jatqan jaǵdai týraly kóbirek biletinin aitty. "Hanymdar men myrzalar, bul ǵalamat! Biz Barak Obama men Donald Tramp arasyndaǵy birneshe áńgimeniń jazbasyn aldyq. Kúlmeńizder, bul shyndyq", - dedi ol. Bul jazbada "Tramp" "Obamadan" Aq úide is júrgizý týraly keńes suraidy. Qazaqstan týraly ázildiń tolyq aýdarmasyn usynamyz.
- Allo.
- Jyldam suraq. Qazaqstan?
- Suraǵyń qandai?
- Ol ne? Et taǵamy ma?
- Qazaqstan - Ortalyq Aziiadaǵy el. Resei jáne Qytaimen kórshiles jatyr.
- Túsinikti. Naqtylap alaiyn. Ol bizge kerek pe?
Eske salaiyq, munyń aldynda Qazaqstan Prezidenti Nursultan Nazarbaev AQSh basshysy Donald Tramppen telefon arqyly sóilesip, sailaýdaǵy jeńisimen quttyqtaǵany habarlanǵan bolatyn. Óz kezeginde AQSh-tyń jańa prezidenti Elbasyn Qazaqstan Táýelsizdiginiń 25 jyldyǵymen quttyǵan edi. Tramp respýblika Nursultan Nazarbaevtyń basshylyǵymen táýelsizdik jyldary ǵajap jetistikterge jetkenin atap ótken. Bul týraly 30 qarasha kúni Aqordanyń resmi saitynda habarlanǵan bolatyn.
