Búgin QR Syrtqy ister ministri Muhtar Tileýberdi bastaǵan qazaqstandyq delegatsiia «Ortalyq Aziia - Koreia Respýblikasy» yntymaqtastyq forýmynyń 13-shi otyrysyna qatysty, dep habarlaidy "Ult aqparat".
Is-sharaǵa Koreia Respýblikasynyń Syrtqy ister ministri Kan Gion Hva, Tájikstannyń - Sirodjiddin Mýhriddin, Túrikmenstannyń - Rashid Meredov, Ózbekstannyń - Abdýlaziz Kamilov jáne Qyrǵyzstan Syrtqy ister ministriniń birinshi orynbasary Nurlan Niiazaliev qatysty.
SIM basshylary densaýlyq saqtaý, qashyqtan bilim berý, standarttaý jáne qorshaǵan orta salalaryndaǵy yntymaqtastyq máselelerin talqylady.
Densaýlyq saqtaý salasynda delegatsiialar COVID-19 pandemiiasymen kúrestegi tiimdi ózara is-qimyl, onyń óńir ekonomikasy úshin teris saldaryn eńserý jáne syrtqy ekonomikalyq qyzmetti jandandyrý máselelerine qatysty pikir almasty.
Sondai-aq, taraptar qashyqtan bilim berý, oqytýshylar quramynyń biliktiligin arttyrý, monitoring júrgizý máselelerin qozǵady. Motivatsiianyń mazmuny men júiesine erekshe nazar aýdaryldy. Otyrysqa qatysýshylar tsifrlyq tehnologiialardy qoldana otyryp, bilim berý baǵdarlamalaryn iske asyrý tájiribesimen almasýǵa kelisti.
Tehnikalyq standarttaý salasynda delegatsiia basshylary saýdadaǵy tehnikalyq kedergilerdi joiý, ónimniń sapasy men básekege qabilettiligin arttyrý, sondai-aq Ortalyq Aziia elderi men Koreia Respýblikasynyń ulttyq standarttaryn talqylady.
Forýmǵa qatysýshylar jasyl ekonomikaǵa, qorshaǵan orta men tabiǵi resýrstarǵa júktemeni azaitý jolynda tereń júieli ózgerister jasaý qajettiligi týraly ortaq pikirge keldi.
«Ortalyq Aziia ekonomikasyn jańǵyrtý aspektisinde Koreia Respýblikasynyń ekonomikalyq jáne tehnologiialyq áleýeti qyzyǵýshylyq týdyrady. Bizdiń elderimizdiń áleýmettik-ekonomikalyq jaǵdaiyna zalaldy azaitý maqsatynda forýmnyń kúsh-jigerin saýda-ekonomikalyq ózara is-qimyldy qalpyna keltirýge baǵyttaý týraly sheshim qabyldandy. Qatysýshylar kópjaqty ózara is-qimyldyń strategiialyq mańyzdy baǵyttaryna nazar aýdarýǵa nietti.
Sondai-aq forým aiasynda onlain-formatta Ortalyq Aziia elderiniń Saýda-ónerkásip palatalary men Korei saýda jónindegi halyqaralyq qaýymdastyǵynyń (KITA) qatysýymen Iskerlik keńestiń birinshi otyrysy ótýde.
Jalpy, Ortalyq Aziia memleketteri men Koreia Respýblikasy arasyndaǵy kópjosparly yntymaqtastyqty ózara qurmet pen paida negizinde jandandyrý óńirdiń ortaq múddelerine jaýap beredi jáne ornyqty damýdyń mańyzdy faktory bolady.
Forým qorytyndysy boiynsha Ortalyq Aziia men Koreia Respýblikasy Syrtqy ister ministrleriniń Birlesken málimdemesi qabyldandy», - delingen QR SIM aqparatynda.
