"Pandemiianyń Niý-Iorktegi eń aýyr kezeńi artta qalǵan bolýy múmkin" dep málimdedi AQSh-tyń Niý-Iork shtatynyń gýbernatory Endriý Kýomo.
Ol kún saiyn ótetin brifingte "infektsiianyń taralý deńgeii baqylaýǵa alynǵanyn" habarlady. Bul shtatta koronavirýstan ólgender 10 myńnan asyp, azaia bastaǵan.
Gýbernatordyń sózinshe, ekonomikalyq belsendiliktiń túgelge jýyq kidirtilýi, mektepter men ýniversitetterdiń jabylýy, ózge de karantin sharalary koronavirýs infektsiiasynyń taralýyn toqtatýǵa járdemdesken.
Sonymen birge Endriý Kýomo alty gýbernatormen birlese otyryp, kásiporyndar men firmalar jumysyn birtindep qaita jandandyrý jospary jasalyp jatqanyn habarlady. Ázirge jospardyń egjei-tegjeii jariialanbaǵan, biraq ol shtat turǵyndaryn virýsqa qarsy jappai testten ótkizip, juqpaly aýrý aýqymy jaily anyq maǵlumat jinalǵan soń bastalady dep sanaidy.
