QR Aýyl sharýashylyǵy vitse-ministri Erlan Nysanbaev aýyl sharýashylyǵy maqsatyndaǵy jerdi qazaqstandyqtarǵa jalǵa berý protsedýrasynda qandai ózgerister engizilgeli jatqanyn atady, dep habarlaidy «QazAqparat» tilshisi.
«Árine, biz qazirgi tańda jerdi jalǵa berý protsedýrasyn damytyp jatyrmyz. Sonyń sheńberinde konkýrsqa tek qazaqstandyq qana qatysa alady. Eń birinshi talabymyz - jerge úmittenip otyrǵan adamnyń qolynda óziniń biznes-jospary bolýy kerek. Ekinshi - ázirlegen qujatynda qansha adamǵa, turǵyndarǵa jumys ornyn ashatyny aiqyn bolýy kerek. Odan tys jalpy sol alǵan jerdiń qunarlylyǵyn azaitpaý úshin qandai is-sharalardy jasaitynyn, qandai jańa tehnologiialardy qoldanatynyn kórsetetin bolady», - deidi Erlan Nysanbaev.
Vitse-ministr eń úlken másele - jerdi tiimdi paidalaný bolǵandyqtan, jerdi jalǵa alý konkýrstarynda talaptar anyq belgilengenin atap ótti.
Aita ketsek, qazirgi ýaqytta QR Parlament Májilisiniń jumysynda «Jer qatynastaryn retteý máseleleri boiynsha QR keibir zańnamalyq aktilerine ózgerister men tolyqtyrýlar engizý» týraly zań jobasy qaralýda.
