Búgin Parlament Májilisiniń jalpy otyrysynda depýtattar memlekettik satyp alý máseleleri týraly zań jobasyn maquldady, dep habarlaidy "Ult aqparat" tómengi palatanyń baspasóz qyzmetine silteme jasap.
Osyǵan orai, Nurlan Nyǵmatýlin zańǵa engizilgen normalar memlekettik satyp alýdyń tiimdiligin arttyrýǵa, eń bastysy, sybailas jemqorlyqty tómendetetinin aitty.
Sondai-aq, Májilis tóraǵasy memlekettik satyp alý salasynda basshylardyń qyzmetin mindetti reitingtik baǵalaý zań deńgeiinde bekitiletinine nazar aýdardy. Ol eń aldymen, memleket múddesin saqtai otyryp, ashyq jumys isteýge jol ashady.
Aita ketý kerek, qoldanystaǵy zańda jetkizýshilermen tikelei sharttar jasasý arqyly bir kózden satyp alý úshin negizder qarastyrylǵan. Biraq, depýtattar bul normalardy tapsyrys berýshige memlekettik satyp alýdy uiymdastyrýdyń básekelestik ádisteri taýsylǵan kezde ǵana osyndai múmkindikti paidalaný talabymen tolyqtyrdy. Bul talapty oryndamaǵan memlekettik organdardyń basshylary 100 ailyq eseptik kórsetkish kóleminde ákimshilik jaýapkershilikke tartylatyn bolady.
Sonymen qatar, memlekettik organdardyń birinshi basshylaryn adal jáne ashyq memlekettik satyp alýlardy ótkizýge yntalandyrý úshin depýtattar olardyń qyzmeti tiimdiliginiń negizgi kórsetkishterin engizý jolyn usyndy. Atap aitqanda, bir kózdiń úlesi, quqyq buzýshylyqtar sany, qarjy qarajatyn únemdeý úlesi, ótkizilmegen satyp alý sany, sondai-aq kúshi joiylǵan satyp alý jáne t. b.
Osy rette, Májilis tóraǵasy reitingtik baǵalaýdy engizýdiń, sondai-aq osy protsesti avtomattandyrý máselelerin pysyqtaýdyń mańyzdylyǵyna nazar aýdaryp, básekelestik jetkizýshiler arasynda ǵana emes, tapsyrys berýshi memlekettik organdar arasynda da bolýy kerek ekenin atap ótti.
