Májiliste Palata spikeri, «Nur Otan» partiiasy parlamenttik fraktsiiasynyń jetekshisi Nurlan Nyǵmatýlinniń tóraǵalyǵymen fraktsiianyń keńeitilgen otyrysy ótti, dep habarlaidy "Ult aqparat" tómengi palatanyń baspasóz qyzmetine silteme jasap.
Otyrysta «Nur Otan» partiiasynyń 2025 jylǵa deiingi «Ózgerister joly: ár azamatqa laiyqty ómir!» Sailaý baǵdarlamasyn oryndaýdyń Jol kartasyn iske asyrý jónindegi birlesken jumysy týraly aityldy.
Jiynǵa Premer-Ministr Asqar Mamin, «Nur Otan» partiiasy Tóraǵasynyń birinshi orynbasary Baýyrjan Baibek jáne Úkimet músheleri qatysty.
Elbasynyń 14 qańtarda partiianyń sailaýaldy baǵdarlamasyn oryndaý jónindegi «Jol kartasyn» ázirlep, jariia túrde qaraýǵa qatysty tapsyrmasy týraly aitqan Májilis Tóraǵasy: Elbasynyń 14 qańtarda partiianyń sailaýaldy baǵdarlamasyn oryndaý jónindegi «Jol kartasyn» ázirlep, jariia túrde qaraýdy tapsyrǵan tapsyrmasy týraly aitqan Májilis spikeri: - Partiia Tóraǵasy, Elbasy Nursultan Ábishuly Nazarbaev atap ótkendei, bul baǵdarlama osy jyldarda jasalǵa reformalardyń zańdy jalǵasy. Sonymen birge, bul qujat – búkil elimizdi jańǵyrtý jáne barsha qazaqstandyqtardyń ómirin jaqsartýdyń naqty jospary, - dedi.
Sondai- aq ol baǵdarlamany iske asyrýǵa qajetti qarajattardyń kózdelgenin atap ótip, depýtattar syrtqy jáne ishki naqty jaǵdailardy eskere otyryp, kezekti respýblikalyq biýdjet jobasyn qaraý kezinde halyq aldyndaǵy mindettemelerdi qarjylandyrý úshin qajetti túzetýlerdi engizýge daiyn ekenin jetkizdi.
Otyrys barysynda Nurlan Nyǵmatýlin: «Elbasymyzdyń «Jol kartasyn» ázirleý týraly tapsyrmasyna sáikes, kóptegen jumystar atqarylǵanyn kórip otyrmyz. Oǵan fraktsiia depýtattary da, Úkimet músheleri de, partiia ókilderi de belsendi qatysty. Aldaǵy josparlarymyz, maqsattarymyz belgili. Endi osy baǵytta jumysymyzdy odan ári jalǵastyratyn bolamyz» - dedi.
«Jol kartasy» partiianyń naqty maqsattaryna baǵyttalǵanyn jetkizgen Palata spikeri sailaýaldy baǵdarma halyqtyń barlyq sanatyn qamtyǵanyn aita kele:
«Sonymen birge, áleýmettik qamtamasyz etý, bilim, densaýlyq, aýyl sharýashylyǵy, ónerkásip, shaǵyn jáne orta biznesti damytýǵa jańa qadam jasalyndy. Osy baǵdarlamada otbasyn, áiel azamattardy, jastardy qoldaýǵa da erekshe kóńil bólindi. Osy maqsattarǵa jetý úshin «Jol kartasynyń» árbir tarmaǵynyń oryndalýyn qatań baqylaý qajet. Bul Elbasymyzdyń qańtardyń ortasynda bizge bergen tapsyrmasy» - dedi.
Bul rette «Jol kartasynyń» barlyq baǵyttary Májilistiń komitetteri arasynda bólingen. Al «Jol kartasynyń» naqty tarmaqtaryna baqylaýdy kúsheitý úshin «Nur Otan» fraktsiiasynyń depýtattary bekitildi. Sonymen qatar, depýtattar baǵdarlama tarmaqtarynyń oryndalýy týraly aqparat berýge derbes jaýapty memlekettik organdardan da anyqtaýdy usyndy. Kem degende, bul vitse-ministr deńgeiinde bolýy kerek.
«Bul «Jol kartasy» – árbir oblysty, árbir aýdandy árbir aýyldy jáne barlyq halyqty qamtidy. Alǵa qoiǵan mindetterdi, ashyq, sapaly, tiimdi oryndaýǵa keń jol ashady. Sebebi, onda Partiiamyzdyń Tóraǵasy, Elbasymyz Nursultan Ábishuly Nazarbaevtyń tapsyrmasyna sáikes, barlyq sala boiynsha, ásirese, áleýmettik suraqtardy sheshýdiń naqty sharalary kórsetildi, - dep atap ótti jiyndy qorytyndylaǵan Májilis tóraǵasy.
.jpeg)