Parlament Májilisiniń Tóraǵasy, Májilistegi «Nur Otan» partiiasy fraktsiiasynyń jetekshisi Nurlan Nyǵmatýlin partiianyń jańa baǵdarlamasy týraly óz pikirin bildirdi, dep habarlaidy "Ult aqparat".
«Elimizdegi negizgi jáne saiasi jetekshi uiym «Nur Otan»partiiasy taǵy bir eleýli kezeńdi tabysty aiaqtap, jańa beleske qadam basty.
Bul tarihi ýaqyt.
Árine, «Nur Otan» partiiasynyń árbir tarihi sáti, árbir jeńisi, árbir tabysy eń aldymen, Tuńǵysh Prezidentimiz, Partiia Kóshbasshysy Nursultan Ábishuly Nazarbaevtyń atymen bailanysty.
Sebebi, nurotandyqtar, Elbasynyń bilikti basshylyǵynyń, kemel saiasatynyń jáne uiymdastyrýshylyq sheberliginiń arqasynda árqashanda elmen, halyqpen birge bolyp, asa jaýapty mindetterdi abyroimen atqaryp keledi.
Barlyq ýaqytta partiia aldyna uzaqmerzimdi strategiialyq mindetter qoiylyp, olar sátti júzege asyryldy.
«Nur Otan» partiiasynyń jetistigi – memleketimizdiń turaqty damýyn, azamattarymyzdyń sapaly ómir súrýin qamtamasyz etti.
Osy tabystarymyzdy odan ári jalǵastyrý maqsatynda «Nur Otan» partiiasynyń «Ózgerister joly: Ár azamatqa laiyqty ómir» atty jańa sailaýaldy baǵdarlamasy qabyldandy.
Bul baǵdarlama – bai tájiribelerdi, shynaiy múmkindikterdi, naqty josparlardy qamtyǵan, ábden jetilgen, áleýmettik-ekonomikalyq, saiasi mańyzdy qujat.
Ol - barshaǵa teń múmkindik, ziiatker, salamatty jáne yjdaǵatty ult, ornyqty ekonomika, halyqqa esep beretin memleket jáne jaýaptyazamattar siiaqty ýaqyt talabynan ótken, kez-kelgen zamanaýi qajettilikterge jaýap bere alatyn aýqymdy baǵyttardy qamtyǵan.
Memleket Basshysy Qasym-Jomart Kemeluly Toqaev atap ótkendei, partiia ázirlegen 2025 jylǵa deiingi sailaýaldy tuǵyrnama – búgingi kúnniń kúrdeli ahýalyna qatysty obektivti kózqaras.
Sondyqtan, «Nur Otan»partiiasy kezekti sailaýaldy baǵdarlamasyn jariialai otyryp, elimizdi odan ári órkendetýge, zańdylyq pen tártipti saqtaýǵa, ýaqytsha qiyndyqty eńserip, halyqtyń ál-aýqatyn kúsheitýge jańa jol salyp otyr.
Bul jol árine, barsha qazaqstandyqtardyń, partiiamyzdyń barlyq jaqtastarynyń júreginen oryn alatyny sózsiz», - dedi N.Nyǵmatýlin.
.jpeg)