QR Parlamenti Májilisiniń Tóraǵasy bolyp sailanǵan Nurlan Nyǵmatýlin áriptesterine alǵysyn bildirdi, dep habarlaidy "Ult aqparat".
«Eń aldymen, meni taǵy da osy joǵary laýazymdy qyzmetke - Májilis Tóraǵasy retinde sailaǵandaryń úshin shyn júrekten alǵysymdy bildirýge ruqsat etińizder! Birinshiden, bul men úshin óte úlken jaýapkershilik. Sondyqtan da árqashan Elbasymyz Nursultan Nazarbaevtyń, Prezident Qasym-Jomart Toqaevtyń ózime júktegen mindetterin joǵary deńgeide oryndaý úshin, sizderdiń jáne bizdiń sailaýshylardyń senimin aqtaý úshin barlyq jinaǵan bilimimdi, tájiribemdi jumsaityn bolamyn», - dedi Májilis tóraǵasy bolyp sailanǵan Nurlan Nyǵmatýlin.
Aita keteiik, búgin Parlament Májilisiniń jalpy otyrysynda Nurlan Nyǵmatýlin Májilis Tóraǵasy laýazymyna depýtattardyń jasyryn daýys berýi nátijesinde sailanǵan edi.
