Májilis Memleket basshysynyń Joldaýyn zańnamalyq qamtamasyz etýge kiristi. Bul týraly jalpy otyrysta Palata tóraǵasy Nurlan Nyǵmatýlin málimdedi, dep habarlaidy "Ult aqparat" tómengi palatanyń baspasóz qyzmetine silteme jasap.
N. Nyǵmatýlin keshe ǵana Memleket Basshysy Qasym-Jomart Kemeluly Toqaevtyń kezekti sessiiany ashyp, Parlament qabyrǵasynda halyqqa arnaǵan Joldaýyn jariialaǵanyn alǵa tarta kelip:
- Memleket basshysy Qasym-Jomart Kemeluly Toqaev óziniń Joldaýynda ýaqyt talabyna sai damý boiynsha negizgi baǵyttardy jáne batyl qadamdardy kórsetip berdi. Ol – elimizdegi barlyq salalarǵa arnalyp otyr. Sondyqtan, osy bastamalardy sapaly zańdarmen qamtamasyz etý depýtattyq korpýstyń negizgi mindeti bolyp tabylady, - dedi.
Májilis tóraǵasy eń aldymen, jyl sońyna deiin memlekettik qyzmet júiesin qaita jańǵyrtý úshin memlekettik qyzmet týraly zańǵa túzetý engizý qajettigi týraly aitty.
Sonymen qatar, Prezidenttiń ónerkásip áleýetin tolyq paidalanyp, Ulttyq ekonomikalyq strategiialyq qýatyn arttyrý úshin tez arada qaita óńdeý isiniń jańa salalaryn damytý kerektigine toqtalǵan Nurlan Nyǵmatýlin bul jerde «Ónerkásip saiasaty týraly» zańnyń mańyzdylyǵyna erekshe nazar aýdardy.
Ekonomikalyq ósimdi qalpyna keltirý týraly zań jobasy aiasynda Májilis Tóraǵasy depýtattardyń nazaryn Memleket basshysynyń jańa qural-strategiialyq investitsiialyq kelisimdi engizý bastamasyn zańnamalyq qoldaýdyń ózektiligin aitty.
Jyl sońyna deiin Úkimetke kvazimemlekettik sektordyń barlyq satyp alýlaryn qamtityn biryńǵai zań ázirleý tapsyryldy. Bul taqyrypty depýtattar birneshe ret kótergen bolatyn. Sondai-aq, Prezident bizdiń aldymyzǵa Úkimetpen jáne «Atameken» ulttyq palatasymen birge Salyq kodeksi men zańǵa táýeldi aktilerdi qaita qaraý týraly mindet qoidy,- dedi Nurlan Nyǵmatýlin.
Qoldanystaǵy zańnamalyq aktilerdiń qatarynda Ekologiialyq kodeks jobasy bar. Osyǵan orai, Májilis tóraǵasy ulttyq saiabaqtar men Qazaqstannyń basqa da tabiǵi bailyqtaryn zańnamalyq qorǵaýdyń qajettiligi týraly aityp, osy salada quqyq buzǵan azamattarǵa qylmystyq jáne ákimshilik jazany qatańdatý kerektigine kóńil bóldi.
Nurlan Nyǵmatýlinniń aitýynsha, depýtattarǵa quqyq qorǵaý jáne sot júiesin reformalaý, biznesti quqyq qorǵaý organdarynyń shamadan tys aralasýynan qorǵaý, sondai-aq azamattardy, ásirese balalardy kiberbuzýshylyqtan qorǵaý úshin zańnamalyq negiz qajet. Sonymen qatar, Májiliste qaralyp jatqan «Qoǵamdyq keńester týraly» Zań jobasy osy jyldyń sońyna deiin qabyldanýy kerek. Prezidenttiń «Qoǵamdyq baqylaý týraly», sondai-aq «Aqparatqa qol jetimdilik týraly» Zańdy ázirleý jáne qabyldaý týraly tapsyrmasy da ózekti.
Bizdiń aldymyzda kóptegen aýqymdy jumystar tur. Basty baǵyt – Memleket basshysynyń tapsyrmalaryn iske asyrýdy zańnamalyq qoldaý, - dedi Nurlan Nyǵmatýlin.
