مەجٸلٸس مەملەكەت باسشىسىنىڭ جولداۋىن زاڭنامالىق قامتاماسىز ەتۋگە كٸرٸستٸ. بۇل تۋرالى جالپى وتىرىستا پالاتا تٶراعاسى نۇرلان نىعماتۋلين مەلٸمدەدٸ, دەپ حابارلايدى "ۇلت اقپارات" تٶمەنگٸ پالاتانىڭ باسپاسٶز قىزمەتٸنە سٸلتەمە جاساپ.
ن. نىعماتۋلين كەشە عانا مەملەكەت باسشىسى قاسىم-جومارت كەمەلۇلى توقاەۆتىڭ كەزەكتٸ سەسسييانى اشىپ, پارلامەنت قابىرعاسىندا حالىققا ارناعان جولداۋىن جارييالاعانىن العا تارتا كەلٸپ:
- مەملەكەت باسشىسى قاسىم-جومارت كەمەلۇلى توقاەۆ ٶزٸنٸڭ جولداۋىندا ۋاقىت تالابىنا ساي دامۋ بويىنشا نەگٸزگٸ باعىتتاردى جەنە باتىل قادامداردى كٶرسەتٸپ بەردٸ. ول – ەلٸمٸزدەگٸ بارلىق سالالارعا ارنالىپ وتىر. سوندىقتان, وسى باستامالاردى ساپالى زاڭدارمەن قامتاماسىز ەتۋ دەپۋتاتتىق كورپۋستىڭ نەگٸزگٸ مٸندەتٸ بولىپ تابىلادى, - دەدٸ.
مەجٸلٸس تٶراعاسى ەڭ الدىمەن, جىل سوڭىنا دەيٸن مەملەكەتتٸك قىزمەت جٷيەسٸن قايتا جاڭعىرتۋ ٷشٸن مەملەكەتتٸك قىزمەت تۋرالى زاڭعا تٷزەتۋ ەنگٸزۋ قاجەتتٸگٸ تۋرالى ايتتى.
سونىمەن قاتار, پرەزيدەنتتٸڭ ٶنەركەسٸپ ەلەۋەتٸن تولىق پايدالانىپ, ۇلتتىق ەكونوميكالىق ستراتەگييالىق قۋاتىن ارتتىرۋ ٷشٸن تەز ارادا قايتا ٶڭدەۋ ٸسٸنٸڭ جاڭا سالالارىن دامىتۋ كەرەكتٸگٸنە توقتالعان نۇرلان نىعماتۋلين بۇل جەردە «ٶنەركەسٸپ ساياساتى تۋرالى» زاڭنىڭ ماڭىزدىلىعىنا ەرەكشە نازار اۋداردى.
ەكونوميكالىق ٶسٸمدٸ قالپىنا كەلتٸرۋ تۋرالى زاڭ جوباسى اياسىندا مەجٸلٸس تٶراعاسى دەپۋتاتتاردىڭ نازارىن مەملەكەت باسشىسىنىڭ جاڭا قۇرال-ستراتەگييالىق ينۆەستيتسييالىق كەلٸسٸمدٸ ەنگٸزۋ باستاماسىن زاڭنامالىق قولداۋدىڭ ٶزەكتٸلٸگٸن ايتتى.
جىل سوڭىنا دەيٸن ٷكٸمەتكە كۆازيمەملەكەتتٸك سەكتوردىڭ بارلىق ساتىپ الۋلارىن قامتيتىن بٸرىڭعاي زاڭ ەزٸرلەۋ تاپسىرىلدى. بۇل تاقىرىپتى دەپۋتاتتار بٸرنەشە رەت كٶتەرگەن بولاتىن. سونداي-اق, پرەزيدەنت بٸزدٸڭ الدىمىزعا ٷكٸمەتپەن جەنە «اتامەكەن» ۇلتتىق پالاتاسىمەن بٸرگە سالىق كودەكسٸ مەن زاڭعا تەۋەلدٸ اكتٸلەردٸ قايتا قاراۋ تۋرالى مٸندەت قويدى,- دەدٸ نۇرلان نىعماتۋلين.
قولدانىستاعى زاڭنامالىق اكتٸلەردٸڭ قاتارىندا ەكولوگييالىق كودەكس جوباسى بار. وسىعان وراي, مەجٸلٸس تٶراعاسى ۇلتتىق ساياباقتار مەن قازاقستاننىڭ باسقا دا تابيعي بايلىقتارىن زاڭنامالىق قورعاۋدىڭ قاجەتتٸلٸگٸ تۋرالى ايتىپ, وسى سالادا قۇقىق بۇزعان ازاماتتارعا قىلمىستىق جەنە ەكٸمشٸلٸك جازانى قاتاڭداتۋ كەرەكتٸگٸنە كٶڭٸل بٶلدٸ.
نۇرلان نىعماتۋليننٸڭ ايتۋىنشا, دەپۋتاتتارعا قۇقىق قورعاۋ جەنە سوت جٷيەسٸن رەفورمالاۋ, بيزنەستٸ قۇقىق قورعاۋ ورگاندارىنىڭ شامادان تىس ارالاسۋىنان قورعاۋ, سونداي-اق ازاماتتاردى, ەسٸرەسە بالالاردى كيبەربۇزۋشىلىقتان قورعاۋ ٷشٸن زاڭنامالىق نەگٸز قاجەت. سونىمەن قاتار, مەجٸلٸستە قارالىپ جاتقان «قوعامدىق كەڭەستەر تۋرالى» زاڭ جوباسى وسى جىلدىڭ سوڭىنا دەيٸن قابىلدانۋى كەرەك. پرەزيدەنتتٸڭ «قوعامدىق باقىلاۋ تۋرالى», سونداي-اق «اقپاراتقا قول جەتٸمدٸلٸك تۋرالى» زاڭدى ەزٸرلەۋ جەنە قابىلداۋ تۋرالى تاپسىرماسى دا ٶزەكتٸ.
بٸزدٸڭ الدىمىزدا كٶپتەگەن اۋقىمدى جۇمىستار تۇر. باستى باعىت – مەملەكەت باسشىسىنىڭ تاپسىرمالارىن ٸسكە اسىرۋدى زاڭنامالىق قولداۋ, - دەدٸ نۇرلان نىعماتۋلين.
