Búgin Májilis spikeri Nurlan Nyǵmatýlinniń tóraǵalyǵymen Palata biýrosy ótip, onda aldaǵy jalpy otyrystyń kún tártibi naqtylandy, dep habarlaidy "Ult aqparat" Májilistiń baspasóz qyzmetine silteme jasap.
Májilis birinshi oqylymda jol júrisi máselelerine qatysty zań jobasyn talqylaidy.
Sonymen qatar birinshi oqylymda jer qoinaýy jáne ǵylym máseleleri, sondai-aq, Kaspii teńizinde qyzmetti júzege asyrýǵa bailanysty zań jobalary qaralady.
Kún tártibiniń jobasynda «Notariat týraly» Qazaqstan Respýblikasynyń Zańyna ózgerister men tolyqtyrýlar engizý týraly» zań jobasyn qaraý usynylady.
Aldaǵy jalpy otyrysta depýtattar Qazaqstan men Birikken Arab Ámirlikteriniń arasyndaǵy eki el elshilikteri arasyndaǵy qajettilikterine Astana qalasynda jáne Ábý Dabi qalasynda jer ýchaskelerin óteýsiz paidalanýǵa ózara berý týraly kelisimdi ratifikatsiialaý týraly zań jobalaryn qaraidy.
Biýro otyrysynda «Maqta salasyn damytý týraly» Qazaqstan Respýblikasy Zańynyń kúshi joiyldy dep taný jáne Qazaqstan Respýblikasynyń keibir zańnamalyq aktilerine ózgerister engizý týraly» jáne veterinariia máseleleri boiynsha zań jobalary ekinshi oqylymda usynylady.
Aldaǵy jalpy otyrysta Palata birqatar ratifikatsiialyq zań jobalaryn jumysqa alady. Olar Memleketaralyq standarttaý jónindegi qujattardy taratý týraly jáne Eýraziialyq ekonomikalyq odaq sheńberinde baǵaly metaldarmen jáne asyl tastarmen operatsiialardy júzege asyrý erekshelikteri týraly kelisimderdi ratifikatsiialaý.
