Nurlan Nyǵmatýlin «Nur Otan» partiiasynyń sailaýaldy úgit naýqany aiasynda Qaraǵandy oblysyndaǵy meditsina jáne bilim berý salalarynyń ókilderimen kezdesti.
Oblystyq kardiohirýrgiia ortalyǵynda, sondai-aq Qaraǵandy qalasynyń №103 mektep-litseiindegi kezdesýlerde partiianyń sailaýaldy baǵdarlamasynyń áleýmettik baǵyttaryna basa nazar aýdaryldy.
Nurlan Nyǵmatýlin atap ótkendei, Elbasy, Partiia Kóshbasshysy Nursultan Nazarbaev bastamashy bolǵan jáne búginde Memleket Basshysy Qasym-Jomart Toqaev odan ári jalǵastyryp kele jatqan áleýmettik jańǵyrtý aiasynda «Nur Otan» partiiasy qazaqstandyqtardyń sapaly bilim men meditsinalyq qyzmetter alýy úshin múmkindikter jasaýdy basty mindetterdiń biri dep sanaidy.
Barlyq zamanaýi talaptarǵa oblystyq kardiohirýrgiialyq ortalyq jaýap beredi. Onyń operatsiialyq-reanimatsiialyq blogy innovatsiialyq quraldarmen, onda qyzmet etetin mamandardyń barlyǵy joǵary bilikti, bul jerde júrekke kúrdeli operatsiialar jasalady.
Osyndai jańa meditsinalyq ortalyqtar ár óńirde bolýy úshin partiia aýdandyq aýrýhanalardy qajetti meditsinalyq jabdyqtarmen jabdyqtaý, sanitarlyq-epidemiologiialyq qyzmetti kúsheitý, zerthanalardy jańartý boiynsha sharalar qabyldaidy.
Bilim berýdi damytý úshin «Nur Otan» 800 jańa mektep salý esebinen sapasyz oqýlyqtar, apatty jáne úsh aýysymdy mektepter problemalaryn sheshýge, barlyq aýyl mektepterin joǵary jyldamdyqty internetpen qamtýdy qamtamasyz etýge nietti.
Nurlan Nyǵmatýlin 2024 jylǵa qarai pedagogterdiń jalaqysy 2 esege, al dárigerlerdiń jalaqysyn 2023 jylǵa qarai 2,5 ese artatynyn aitty.
Muǵalimderdiń aitýynsha, «Pedagog mártebesi týraly» zańnyń ustazdar úshin mańyzy óte zor, atalǵan zań olardyń quqyqtaryn rettep, bilim berý sapasyna, muǵalimniń mártebesin kúsheitýge yqpal etedi.
- «Nur Otan» partiiasynyń sailaý baǵdarlamasy, ol – naqty jospary bar jáne tiisti qarjymen qamtamasyz etilgen baǵdarlama. Sonyń ishinde baspana, óndiristi damytý, áleýmettik sala, shaǵyn, orta biznesti qoldaýǵa erekshe kóńil bólindi. Bul árbir qazaqstandyq úshin óte mańyzdy másele. Osy suraqtar týraly búgin kenshilermen, dárigerlermen jáne muǵalimdermen kezdesýde ashyq áńgime boldy. «Nur Otan» partiiasynyń sailaý baǵdarlamasynyń dál osy baǵyttaryna Qaraǵandy oblysynyń turǵyndary qoldaý kórsetti, - dedi Nurlan Nyǵmatýlin.
