Búgin Parlamentte Májilis tóraǵasy Nurlan Nyǵmatýlin Chehiia Respýblikasynyń Syrtqy Ister Ministri Liýbomir Zaoralekpen kezdesti.
Májilis Spikeriniń aitýynsha Qazaqstan Táýelsizdiginiń 25 jyldyǵy qarsańynda ótip jatqanyn mártebeli meimanmen kezdesý osy ýaqytqa deiin qol jetkizilgen ekijaqty qarym-qatynastyń joǵary deńgeiin qoldaýǵa múddeliliktiń belgisi jáne qos el Prezidentteriniń kelisimderin is júzinde júzege asyrý bolyp tabylady.
Taraptar diplomatiialyq qatynas ornaǵan 23 jyl ishindegi jetistikterdi odan ári nyǵaitý kerektigin sóz ete kelip, basym baǵyttar qatarynda aýylsharýashylyǵy, mashinaqurylysy, energetika, týrizm salalaryna basa nazar aýdardy.
N.Nyǵmatýlin atap ótkendei, chehiialyq taraptyń «EKSPO — 2017» kórmesine qatysýy «jasyl tehnologiia» salasynda innovatsiialyq jetistikter boiynsha tájiribe almasýǵa zor múmkindik beredi.
Óz kezeginde Ministr myrza saýda-ekonomikalyq, mádeni- gýmanitarlyq, halyqaralyq yntymaqtastyqty kúsheitý jaiyn sóz etti. Osy oraida Qazaqstan Prezidenti Nursultan Nazarbaevtyń BUU aiasynda halyqaralyq terrorizm men ekstremizmge qarsy is-qimyldyń biryńǵai álemdik jelisin qurý bastamasy asa mańyzdy bolmaq.
Osy rette taraptar parlamenttik bailanystyń mańyzdylyǵyna erekshe kóńil bóldi. Parlamentaralyq bailanystardy odan ári nyǵaitý maqsatynda Májilis Tóraǵasy Nurlan Nyǵmatýlin Chehiia Parlament depýtattary palatasynyń tóraǵasy Ian Gamachekke Qazaqstanǵa resmi saparmen kelý shaqyrýyn joldady.
.jpeg)