Nyǵmatýlin: Aýqymdy parlamenttik forým Elbasynyń eýraziialyq ideiasynyń 25 jyldyǵyna arnalady

Májilis N. Nazarbaevtyń Eýraziialyq ideiasyna 25 tolýyna orai Eýraziia men Aziia elderi parlamentteri spikerleri IV keńesin ótkizýge daiyndyq ústinde.

Bul týraly Májilis tóraǵasy Nurlan Nyǵmatýlin óziniń Tvitter paraqshasynda habarlady.   

«Májilis N. Nazarbaevtyń Eýraziialyq ideiasyna 25 tolýyna orai Eýraziia men Aziia elderi parlamentteri spikerleri IV keńesin ótkizýge daiyndalýda. Búginde 60-tan astam eldiń parlamenttik delegatsiialary men 16 halyqaralyq uiym ókilderi aýqymdy halyqaralyq jiynǵa qatysatyndaryn rastady,-dep jazdy N. Nyǵmatýlin.

«Úlken Eýraziia: Dialog. Senim. Áriptestik» taqyrybynda halyqaralyq jiyn  2019 jylǵy 23-24 qyrkúiekte Nur-Sultanda ótedi.  

Ózderiniń qatysýyn rastaǵandardyń qatarynda Eýropa, Aýstriia, Bolgariia, Majarstan, Germaniia, Italiia, Slovakiia, Sloveniia, Polsha, Frantsiia, Horvatiia, Chernogoriia syndy memleketter bar. Aziia memleketteri qatarynda - Aýǵanstan, Vetnam, Úndi, Iordaniia, Iran, Katar, Qytai, Kýveit, Malaiziia, BAÁ, Saýd Arabiiasy, Túrkiia, Ońtústik Koreia, Japoniia elderi bar. TMD qatysýshylarynan Ázerbaijan, Armeniia, Belarýs, Qyrǵyzstan, Moldova, Resei, Tájikstan, Ózbekstan delegatsiialary bar.   

Sondai-aq, bul aýqymdy  sharaǵa  EQYU jáne UQShU parlamenttik assambleialary Parlamentaralyq odaq, Aziia parlamenttik odaǵy, AÓSShK, IYU basqa da birqatar uiymdar qamtylǵan.  

Osy óte mańyzdy ári aýqymdy parlamenttik shara Qazaqstanda birinshi ret ótkizilip otyr. Basty maqsat – eýraziialyq memleketterdiń zańnamalyq organdary basshylarymen jan-jaqty dialog ornatý, ózara senimdi nyǵaityp, parlamentaralyq yntymaqtastyqty odan ári keńeitý.

Forým aiasynda josparlanyp otyrǵan kóptegen ekijaqty kezdesýler men talqylaýlar, pikir almasýlar,  ár eldiń Parlament ókilderiniń kúsh-jigerin bir arnaǵa toǵystyryp, óz halyqtarynyń ál-aýqatyn kóterýge úles qosýǵa yqpal etpek.   

Qazaqstandyq BAQ ókilderimen qatar, mańyzdy sharaǵa «Euronews», «New Europe», «EFE» aqparat agenttigi, «CNBC Arabia», Qytaidyń Global Times, «Sinhýa» aqparat agenttigi, Reseidiń  – «Rossiia 24», «Pervyi kanal» basqa da  aqparat quraldary qatyspaq.