Májilis Tóraǵasy Nurlan Nyǵmatýlin Sankt-Peterbýrgta álemdik parlamenttik qaýymdastyqty Elbasymyzdyń kontrterroristik bastamalaryn qoldaýǵa shaqyrdy, dep habarlaidy Májilistiń baspasóz qyzmeti.
Beibit suhbatty ilgeriletýge baǵyttalǵan kúsh-jigerdi biriktirý úshin álemniń 160-tan asa elinen parlamentshiler jinaldy.
Qazaqstan men Memleket basshysy Nursultan Nazarbaevtyń aimaqtyq jáne jahandyq qaýipsizdikti nyǵaitýdaǵy usynystary týraly Parlament Májilisiniń Tóraǵasy Nurlan Nyǵmatýlin Tavriia saraiynda ótken Parlamentaralyq Odaqtyń 137-shi Assambleiasyna sóilegen sózinde aitty.
«Qazaqstan Prezidenti Nursultan Nazarbaev 2015 jyly Niý-Iorkte BUU Bas Assambleiasynyń 70-sessiiasynda Birikken Ulttar Uiymy uranymen terrorizmge qarsy ǵalamdyq koalitsiiany qurýǵa baǵyttalǵan halyqaralyq terrorizmge qarsy is-qimyl jónindegi birqatar bastamalar usyndy.
Biz Parlamentaralyq odaqqa múshe-memleketter parlamentindegi áriptesterimizdi Qazaqtan Prezidentiniń Birikken Ulttar Uiymynyń aiasynda «Terrorizmnen azat álemge qol jetkizý jónindegi minez-qulyq Kodeskin» ázirleý jáne qabyldaý týraly bastamasyn qoldaýǵa shaqyramyz.
Bul HHI ǵasyrdyń eń qaýipti qaterleriniń biri terrorizmge qarsy kúreste álemdik parlamentaralyq qaýymdastyqtyń salmaqty úlesi bolady dep senemin», - dedi N.Nyǵmatýlin.
Sondai-aq, Májilis Tóraǵasy Qazaqstanda qalyptasqan jáne tabysty damyp kele jatqan konfessiiaaralyq jáne etnikaaralyq únqatysýdyń biregei modeli týraly áńgimeledi.
Onyń basty qaǵidattarynyń qatarynda N.Nyǵmatýlin etno-konfessiialyq múddelerdi iske asyrýda elimizdiń barlyq azamattary úshin konstitýtsiialyq jáne quqyqtyq qamtamasyz etýdegi teń múmkindikter týraly aitty.
Qazaqstannyń etnikalyq toptarynyń mádenieti men tilderin damytýǵa, ultaralyq kelisimniń tiimdi institýttaryn qalyptastyrýǵa, sondai-aq dinaralyq dialogqa baǵyttalǵan maqsatty memlekettik saiasatty da atap ótti.
Májilis Tóraǵasy elimizegi etnosaralyq qatynastardy úilestirýdiń biregei institýtyna ainalǵan Qazaqstan halqy Assambleiasy týraly aita kele Assambleianyń BUU, IýNESKO jáne EQYU-da alǵan joǵary baǵasyn atap ótti.
Májilis Tóraǵasy jahandaný jaǵdaiynda jáne mádenietaralyq qarym-qatynastarda ulttyq mádenietterdi saqtaý salasyndaǵy elimizdiń jetistikteri týraly, sondai-aq Parlamentaralyq Odaqtyń basqa da múshe memleketteriniń osy saladaǵy oń tájiribesin atap ótti.
Parlamentaralyq odaq - 1889 jyly qurylǵan eń kóne halyqaralyq parlamenttik uiym bolyp tabylady. Búgingi kúni parlamentshiler 173 el men 11 parlamentaralyq uiymdardy biriktiredi. Óz damý tarihynda PAO parlamentarizmniń damýyna, adam quqyqtaryn saqtaýǵa, halyqaralyq beibitshilikti ornatýǵa jáne halyqaralyq qaýipsizdikti saqtaýǵa yqpal etedi.
Parlamentaralyq Odaqtyń 137-shi Assambleiasynyń negizgi oqiǵalarynyń biri «Demokratiia týraly jalpyǵa ortaq deklaratsiiasynyń 20 jyldyǵy: bizdiń alýan túrliligimizdiń ortaqtyǵy» týraly qarary boldy.
.jpeg)