Parlament Májilisiniń spikeri Nurlan Nyǵmatýlin Qazaqstan politseilerine alataiaqty qoldanýǵa salynǵan tyiymǵa qatysty ázildedi, - dep habarlaidy kaz.tengrinews.kz.
"Barlyq komitette talqylandy. Qanat Sergeevich (Májilis depýtaty Mýsin) aitqan barlyq normalar Ishki ister ministrligimen birige jasalǵan. Óte kúrdeli taqyryp, barlyǵymyz jol qozǵalysyna qatystymyz. Bizde úsh salada maman jetkilikti: fýtbolda, saiasat pen jol qozǵalysynda", - deidi Nyǵmatýlin.
Ol alataiaqty qoldanýǵa tyiym salynǵaly Qazaqstan azamattary arasynda daý týǵanyn atap ótti.
"Sondyqtan odan eshqaida kete almaimyz, alataiaqqa tyiym salynǵaly osyndai daý júrip jatyr. (...) Qazir buǵan qatysty: "Buryn jol politsiiasyna boidyń uzyndyǵyna qarap alýshy edi, qazir qolynyń uzyndyǵyna qaraidy, qoly alystan kóriný úshin" dep ázildep jatyr", - deidi Májilis tóraǵasy.
Eske salaiyq, munyń aldynda ishki ister ministri Qalmuhambet Qasymov jol qozǵalysyn retteýshilerge alataiaqty qaitarý máselesin qarastyratyndyǵyn aitqan.
Al QR IIM Ákimshilik politsiia komitetiniń tóraǵasy Igor Lepeha jol qozǵalysyn retteýshilerge alataiaqty qaitarý kerektigin aiitty.
