Búgin Parlament Májilistiń jalpy otyrysynda elimizdegi aýyldardy internetpen tolyq qamtý máselesi kóterildi, dep habarlaidy "Ult aqparat".
«Qashan keń jolaqty qoljetimdi internet bolady? Osy suraq neden týyndady desek, jyl saiyn sizdiń aldyńyzda bolǵan ministrler de Parlamentke kelip, bir jylǵa nemese eki jylǵa shegerip keldi. Osyǵan deiin 2020 jyly birinshi ýáde boldy. Siz endi 2022 jyl dep aityp otyrsyz. Osy ýádelerińizden qashan nátije bolady?!», - dedi Májilis tóraǵasy Nurlan Nyǵmatýlin QR Tsifrlyq damý, innovatsiialar jəne aeroǵarysh ónerkəsibi ministri Baǵdat Mýsinge qarata aitqan sózinde.
Óz kezeginde ministr 2020 jyldyń sońyna deiin qurǵan jospardyń ishinde tehnikalyq jaǵdailarǵa sai 510 eldi mekende sapasy tómen internet berilgenin, alaida 2022 jyldyń sońyna deiin bul jerlerde internet sapasy joǵarylaitynyn aitty.
Bul turǵyda Májilis tóraǵasy jaýapty vedomstvodan kelesi jyly barlyq jospardyń oryndalýyn surady.
«Jas ministrsiz, qyzmetke kiriskenińizge kóp bolmady. Jalpy salada atqarylatyn jumystardan laiyqty nátije shyǵarsańyz. Elden, halyqtan uiat emes pe?! Burynǵy ministrler bes ret ýáde bergen, belgilengen merzimdi 5 márte jyljytty. Búgin 2022 jylǵy merzimdi aityp otyrsyz. 2012 jyldan bastap eseptesek, 100 paiyz ǵalamtormen qamtý josparyna kelesi jyly 10 jyl bolady eken. Sondyqtan 2022 jyly nátije kútemiz. Bizden qandai kómek kerek, zańnama boiynsha qoldaýǵa daiynbyz», - dedi Nyǵmatýlin.
