بٷگٸن پارلامەنت مەجٸلٸستٸڭ جالپى وتىرىسىندا ەلٸمٸزدەگٸ اۋىلداردى ينتەرنەتپەن تولىق قامتۋ مەسەلەسٸ كٶتەرٸلدٸ, دەپ حابارلايدى "ۇلت اقپارات".
«قاشان كەڭ جولاقتى قولجەتٸمدٸ ينتەرنەت بولادى? وسى سۇراق نەدەن تۋىندادى دەسەك, جىل سايىن سٸزدٸڭ الدىڭىزدا بولعان مينيسترلەر دە پارلامەنتكە كەلٸپ, بٸر جىلعا نەمەسە ەكٸ جىلعا شەگەرٸپ كەلدٸ. وسىعان دەيٸن 2020 جىلى بٸرٸنشٸ ۋەدە بولدى. سٸز ەندٸ 2022 جىل دەپ ايتىپ وتىرسىز. وسى ۋەدەلەرٸڭٸزدەن قاشان نەتيجە بولادى?!», - دەدٸ مەجٸلٸس تٶراعاسى نۇرلان نىعماتۋلين قر تسيفرلىق دامۋ, يننوۆاتسييالار جəنە اەروعارىش ٶنەركəسٸبٸ مينيسترٸ باعدات مۋسينگە قاراتا ايتقان سٶزٸندە.
ٶز كەزەگٸندە مينيستر 2020 جىلدىڭ سوڭىنا دەيٸن قۇرعان جوسپاردىڭ ٸشٸندە تەحنيكالىق جاعدايلارعا ساي 510 ەلدٸ مەكەندە ساپاسى تٶمەن ينتەرنەت بەرٸلگەنٸن, الايدا 2022 جىلدىڭ سوڭىنا دەيٸن بۇل جەرلەردە ينتەرنەت ساپاسى جوعارىلايتىنىن ايتتى.
بۇل تۇرعىدا مەجٸلٸس تٶراعاسى جاۋاپتى ۆەدومستۆودان كەلەسٸ جىلى بارلىق جوسپاردىڭ ورىندالۋىن سۇرادى.
«جاس مينيسترسٸز, قىزمەتكە كٸرٸسكەنٸڭٸزگە كٶپ بولمادى. جالپى سالادا اتقارىلاتىن جۇمىستاردان لايىقتى نەتيجە شىعارساڭىز. ەلدەن, حالىقتان ۇيات ەمەس پە?! بۇرىنعى مينيسترلەر بەس رەت ۋەدە بەرگەن, بەلگٸلەنگەن مەرزٸمدٸ 5 مەرتە جىلجىتتى. بٷگٸن 2022 جىلعى مەرزٸمدٸ ايتىپ وتىرسىز. 2012 جىلدان باستاپ ەسەپتەسەك, 100 پايىز عالامتورمەن قامتۋ جوسپارىنا كەلەسٸ جىلى 10 جىل بولادى ەكەن. سوندىقتان 2022 جىلى نەتيجە كٷتەمٸز. بٸزدەن قانداي كٶمەك كەرەك, زاڭناما بويىنشا قولداۋعا دايىنبىز», - دەدٸ نىعماتۋلين.
