Búgingi kúni elimizde 1 mln 779 myń adamǵa áleýmettik tólem taǵaiyndaldy. Bul týraly búgin Ortalyq kommýnikatsiialar qyzmetindegi onlain-brifingte QR Eńbek jáne halyqty áleýmettik qorǵaý ministri Birjan Nurymbetov aitty, dep habarlaidy "Ult aqparat".
«Búgingi kúnge elimizde 3 mln 703 myń adam 42 500 teńge mólsherinde áleýmettik tólem alýǵa ótinish berdi. Ótinishterdiń sany 4 mln 900 myńdy quraidy. Onyń ishinde 1 mln 779 myń adamǵa áleýmettik tólem taǵaiyndaldy jáne esepshottaryna 75 mlrd 600 mln teńge aýdaryldy
60 myńnan astam adam jeke sáikestendirý nómirin (JSN) durys kórsetpedi, 83 myń adam qate esepshot jberdi, 500 myń adamnyń turaqty jalaqy alyp otyrǵany belgili boldy, millionnan astam adam sońǵy bir jylda birde bir ret áleýmettik tólem aýdarmaǵany belgili boldy, 378 adamnyń keibiri qaitys bolǵan, keibiri Qazaqstan azamattyǵynan shyǵyp ketken», - dedi ministr.
Ministr eńbek jáne halyqty áleýmettik qorǵaý ministrligi barlyq ótinishter aqparat júieleri arqyly tekseriletinin, sońǵy bir kúnde 901 myń adamǵa áleýmettik tólem taǵaiyndalǵanyn habarlady. Ministrdiń sózinshe, 42 500 teńge alǵan azamattar tótenshe jaǵdai uzartylýyna bailanysty taǵy da 42 500 teńge alady, ol úshin qaitadan ótinish berý kerek emes.
Osy rette ministri bul áleýmettik tólem resmi jáne beiresmi jumys istep júrgen, biraq tótenshe jaǵdaidyń saldarynan tabysynan aiyrylǵan adamdarǵa qarastyrylǵandyǵyn da aitty.
«Eger sizder tótenshe jaǵdaiǵa deiin aqsha taýyp júrseńiz, onda áleýmettik tólem alýǵa quqyǵyńyz bar. Portalda ótinish bergen kezde tabasyńyzdyń bolǵanyn jáne tótenshe jaǵdaiǵa bailanysty joǵaltqanyńyzdy rastaisyz. Al naqty áleýmettik tólemdi kim ala alady? Birinshiden - kompaniiada, mekemede jumys istep júrgen jáne jumys berýshi aqysyz demalysqa jibergen jaldamaly jumysker. Olar: orta jáne shaǵyn biznes ókilderi, karantin jariialanǵan qalalardaǵy kásiporyndar, kommertsiialyq emes uiymdar, memlekettik qyzmetten basqalalary. Bul rette, sizderge ótinshti jumys berýshi beredi», - dedi Birjan Nurymbetov.
Onyń aitýynsha, ekinshiden jeke kásipkerler, jeke advokattar, sot oryndaýshylary, mediatorlar, repititorlar nemese azamattyq-quqyqtyq sipatta jumys istep júrgen azamattar, biryńǵai jiyntyq tólemin (BJT) tólep júrgen azamattar áleýmettik tólem ala alady.
«Bul rette biz jasyna, járdemaqy alatyndyǵyna ne almaityndyǵyna, múgedektigine qaramaisyz. Siz resmi jumys istegen adamsyz. Sizder mekemege resmi jaldanyp jumys istep júrsizder. Buǵan qosa, resmi biryńǵai jiyntyq tólem tólep júrseńizder - tóleimiz. Sońǵy 1 jyldyń ishinde keminde 1 ret BJT tólengen bolsa bolǵany», - dedi ol.
