Nurtóre Júsip Qazaqstan Media aliansynyń Basqarma tóraǵasy bolyp sailandy, dep habarlaidy "Ult aqparat" alianstyń saityna silteme jasap.
Keshe «Qazaqstan Media aliansy» qoǵamdyq birlestiginiń quryltaishylar jinalysynda Basqarma tóraǵasy aýysty. Burynǵy jetekshi Armanjan Baitasov bul qyzmetti úsh jyl atqardy.
«Jańa jetekshiniń kandidatýrasyn QMA birinshi sezinde-aq talqylaǵan bolatynbyz, jańa tóraǵa – Nurtóre Júsip», – dedi A.Baitasov.
Jinalysqa qatysqan quryltaishylar Armanjan Baitasovtyń bastamasymen daýys berýge qatysty. Qalys qalǵan Mihail Dorofeevten basqasy QMA jańa Basqarma tóraǵasynyń kandidatýrasyn qoldap daýys berdi.
Nurtóre Júsip qazirgi kezde QR Parlamenti Senatynyń depýtaty.
Nurtóre Baitilesuly 1961 jyly 29 sáýirde Qyzylorda oblysynyń Shieli aýdanyndaǵy Kerdeli kentinde dúniege kelgen. Ákesi – Baitiles Júsipov, anasy –Rábiǵa Baidildaeva. 1984 jyly Kirov atyndaǵy Qazaq memlekettik ýniversitetiniń jýrnalistika fakýltetin bitirgen.
2017 jyldan bastap Qazaqstan Respýblikasy Prezidentiniń janyndaǵy Qoǵamdyq sanany jańǵyrtý baǵdarlamasyn iske asyrý jónindegi ulttyq komissiianyń múshesi.
«Biz kimnen azbyz?» (2001), «Qazaq qyzy» (2004), «Eles pen beles» (2006), «Myń qumyrsqa jáne biz» kitaptarynyń avtory.
Eńbek jolyn Pavlodar oblystyq «Saryarqa samaly» gazetinde agroónerkásip bóliminen bastady. Bul gazette Kólik jáne kommýnikatsiia bóliminiń meńgerýshisi, bas redaktordyń orynbasary bolyp jumys istedi. 1990-1996 jyldary – «Egemen Qazaqstan» respýblikalyq gazetiniń aǵa tilshisi, bas redaktorynyń ekonomikalyq máseleler jónindegi orynbasary. 1996-2002 jyldary – «Jas Alash», «Aq jol Qazaqstan», «Egemen Qazaqstan», «Astana aqshamy» gazetteriniń bas redaktory.
2008-2019 jyldary – «AIQYN» respýblikalyq qoǵamdyq-saiasi kúndelikti gazetiniń bas redaktory.
2019 jyly 12 tamyzda QR Prezidentiniń Jarlyǵymen Qazaqstan Respýblikasy Parlamenti Senatynyń depýtaty bolyp taǵaiyndaldy.
«Qazaqstannyń eńbek sińirgen qairatkeri» qurmetti ataǵynyń iesi; Qazaqstan Respýblikasy Jýrnalister akademiiasynyń akademigi; Qazaqstan Respýblikasy Gýmanitarlyq ǵylymdar akademiiasynyń akademigi; Qazaqstannyń qurmetti jýrnalisi, Qazaqstan Jýrnalister odaǵy B. Bulqyshev atyndaǵy syilyqtyń laýreaty, Qazaqstan Jýrnalister odaǵy S. Sádýaqasov atyndaǵy syilyqtyń laýreaty; Buqaralyq aqparat quraldary salasyndaǵy Prezident syilyǵynyń laýreaty; «Altyn adam» ulttyq syilyǵynyń laýreaty – Jyl adamy;
Qazaqstan Jýrnalister Odaǵy «Altyn Juldyz» syilyǵy, «Qazaqstan Respýblikasynyń Táýelsizdigine 10 jyl» medali, «Qazaqstan Respýblikasynyń Konstitýtsiiasyna 10 jyl» medali, Qazaq jýrnalistikasyna sińirgen eńbegi jáne belsendi qoǵamdyq qyzmeti úshin Qurmet ordeni; «Til janashyry» medalimen marapattalǵan.
Shieli aýdanynyń jáne Qyzylorda oblysynyń Qurmetti azamaty.
