Qazaqstannyń Tuńǵysh Prezidenti Nursultan Nazarbaev Ýkraina prezidentine Reseimen kelissóz ústeline otyrýdy usynǵanyn aitty, - dep habarlaidy Tengrinews.kz.
"(...) Qazir osyǵan bola Ýkraina Reseiden alshaqtap ketti. Biraq Donbasta, Qyrymda bolǵan barlyq oqiǵa týraly qazir aitpai-aq qoiaiyq. Meniń oiymsha, bári - kelissóz arqyly sheshiletin másele. Men Ýkraina prezidentine: "kezdeseiik, kelissóz ústeline otyraiyq", - dedim. Biraq olar mundai protseske áli erte ekenin aitty. Men Ýkrainany jaqsy bilemin jáne osyndai eki jaqyn el kenetten osylai bólingeni saiasatkerlerdiń qatesi, halyqtyń emes", - dedi Nazarbaev "Shtrihi k portretý" derekti filmi aiasynda bergen suhbatynda.
Sonymen qatar, eldiń Tuńǵysh Prezidenti tipti álemdik soǵystar kelissózben aiaqtalatynyn atap ótti. Onyń aitýynsha, eń bastysy kelissóz ústeline otyrý.
"Eger osy turǵydan qarasaq, eger máseleni sheshkimiz kelse, kelissóz ústeline otyrýymyz kerek. Qazir Resei de buǵan kónbeidi, óitkeni Prezident halyqtyń pikirin eskeredi. Onyń ústine Qyrymda referendým boldy, Reseige qosylýǵa daýys berdi. Óte qiyn suraq. Tek kelissóz ben izgi niet, ózara jeńildikter ǵana Ýkraina úshin de, Resei úshin de ońaiǵa soqpaityn bul máseleni sheshe alady", - dedi Nursultan Nazarbaev.
