قازاقستاننىڭ تۇڭعىش پرەزيدەنتٸ نۇرسۇلتان نازارباەۆ ۋكراينا پرەزيدەنتٸنە رەسەيمەن كەلٸسسٶز ٷستەلٸنە وتىرۋدى ۇسىنعانىن ايتتى, - دەپ حابارلايدى Tengrinews.kz.
"(...) قازٸر وسىعان بولا ۋكراينا رەسەيدەن الشاقتاپ كەتتٸ. بٸراق دونباستا, قىرىمدا بولعان بارلىق وقيعا تۋرالى قازٸر ايتپاي-اق قويايىق. مەنٸڭ ويىمشا, بەرٸ - كەلٸسسٶز ارقىلى شەشٸلەتٸن مەسەلە. مەن ۋكراينا پرەزيدەنتٸنە: "كەزدەسەيٸك, كەلٸسسٶز ٷستەلٸنە وتىرايىق", - دەدٸم. بٸراق ولار مۇنداي پروتسەسكە ەلٸ ەرتە ەكەنٸن ايتتى. مەن ۋكراينانى جاقسى بٸلەمٸن جەنە وسىنداي ەكٸ جاقىن ەل كەنەتتەن وسىلاي بٶلٸنگەنٸ ساياساتكەرلەردٸڭ قاتەسٸ, حالىقتىڭ ەمەس", - دەدٸ نازارباەۆ "شتريحي ك پورترەتۋ" دەرەكتٸ فيلمٸ اياسىندا بەرگەن سۇحباتىندا.
سونىمەن قاتار, ەلدٸڭ تۇڭعىش پرەزيدەنتٸ تٸپتٸ ەلەمدٸك سوعىستار كەلٸسسٶزبەن اياقتالاتىنىن اتاپ ٶتتٸ. ونىڭ ايتۋىنشا, ەڭ باستىسى كەلٸسسٶز ٷستەلٸنە وتىرۋ.
"ەگەر وسى تۇرعىدان قاراساق, ەگەر مەسەلەنٸ شەشكٸمٸز كەلسە, كەلٸسسٶز ٷستەلٸنە وتىرۋىمىز كەرەك. قازٸر رەسەي دە بۇعان كٶنبەيدٸ, ٶيتكەنٸ پرەزيدەنت حالىقتىڭ پٸكٸرٸن ەسكەرەدٸ. ونىڭ ٷستٸنە قىرىمدا رەفەرەندۋم بولدى, رەسەيگە قوسىلۋعا داۋىس بەردٸ. ٶتە قيىن سۇراق. تەك كەلٸسسٶز بەن ٸزگٸ نيەت, ٶزارا جەڭٸلدٸكتەر عانا ۋكراينا ٷشٸن دە, رەسەي ٷشٸن دە وڭايعا سوقپايتىن بۇل مەسەلەنٸ شەشە الادى", - دەدٸ نۇرسۇلتان نازارباەۆ.
