Qazaqstan Prezidenti oblys jurtshylyǵymen jáne Túrkistan qalasynyń turǵyndarymen kezdesti, dep habarlaidy "Ult aqparat".
Memleket basshysy qala turǵyndary aldynda sóilegen sózinde jańa Túrkistan oblysyn qurýdyń jáne óńir ortalyǵyn Túrkistan qalasyna kóshirýdiń tarihi ári áleýmettik-ekonomikalyq mánine toqtaldy.
– Túrkistannyń halqymyz úshin airyqsha mańyzy bar. Bul – Ortalyq Aziiadaǵy ejelgi qalalardyń biri. 2000 jyly Túrkistannyń 1500 jyldyǵyn IýNESKO deńgeiinde atap óttik, – dedi Qazaqstan Prezidenti.
Nursultan Nazarbaev Orta Aziia aýmaǵyna islam dinin taratý úderisindegi Túrkistannyń róli jóninde áńgimeledi.
Sondai-aq, Memleket basshysy qasietti Túrkistan topyraǵynda qazaq halqynyń uly tulǵalary men igi jaqsylary jerlengenin aitty.
– Tarihymyzdyń qily kezeńderinde munda búkil ultymyzdyń bolashaǵyna qatysty mańyzdy sheshimder qabyldanǵan. Túrkistanda halqymyzdyń kóptegen belgili tulǵalary jerlengen. Jalpy, qala tarihy – barsha qazaqtyń tarihy, – dedi Qazaqstan Prezidenti.
Nursultan Nazarbaev Túrkistannyń kúlli túrki halyqtarynyń ómirinde de erekshe oryn alatynyn atap ótti.
Memleket basshysy qabyldanǵan sharalardy júzege asyrý nátijesinde qala kelbeti tez arada aitarlyqtai ózgeretinine, shahar óziniń órkendeý jolyndaǵy jańa biikterdi baǵyndyratynyna senim bildirdi.
Sońynda Nursultan Nazarbaev Túrkistandy túletýge atsalysatyn barlyq turǵyndarǵa tabys tiledi.
.jpeg)