قازاقستان پرەزيدەنتٸ وبلىس جۇرتشىلىعىمەن جەنە تٷركٸستان قالاسىنىڭ تۇرعىندارىمەن كەزدەستٸ, دەپ حابارلايدى "ۇلت اقپارات".
مەملەكەت باسشىسى قالا تۇرعىندارى الدىندا سٶيلەگەن سٶزٸندە جاڭا تٷركٸستان وبلىسىن قۇرۋدىڭ جەنە ٶڭٸر ورتالىعىن تٷركٸستان قالاسىنا كٶشٸرۋدٸڭ تاريحي ەرٸ ەلەۋمەتتٸك-ەكونوميكالىق مەنٸنە توقتالدى.
– تٷركٸستاننىڭ حالقىمىز ٷشٸن ايرىقشا ماڭىزى بار. بۇل – ورتالىق ازيياداعى ەجەلگٸ قالالاردىڭ بٸرٸ. 2000 جىلى تٷركٸستاننىڭ 1500 جىلدىعىن يۋنەسكو دەڭگەيٸندە اتاپ ٶتتٸك, – دەدٸ قازاقستان پرەزيدەنتٸ.
نۇرسۇلتان نازارباەۆ ورتا ازييا اۋماعىنا يسلام دٸنٸن تاراتۋ ٷدەرٸسٸندەگٸ تٷركٸستاننىڭ رٶلٸ جٶنٸندە ەڭگٸمەلەدٸ.
سونداي-اق, مەملەكەت باسشىسى قاسيەتتٸ تٷركٸستان توپىراعىندا قازاق حالقىنىڭ ۇلى تۇلعالارى مەن يگٸ جاقسىلارى جەرلەنگەنٸن ايتتى.
– تاريحىمىزدىڭ قيلى كەزەڭدەرٸندە مۇندا بٷكٸل ۇلتىمىزدىڭ بولاشاعىنا قاتىستى ماڭىزدى شەشٸمدەر قابىلدانعان. تٷركٸستاندا حالقىمىزدىڭ كٶپتەگەن بەلگٸلٸ تۇلعالارى جەرلەنگەن. جالپى, قالا تاريحى – بارشا قازاقتىڭ تاريحى, – دەدٸ قازاقستان پرەزيدەنتٸ.
نۇرسۇلتان نازارباەۆ تٷركٸستاننىڭ كٷللٸ تٷركٸ حالىقتارىنىڭ ٶمٸرٸندە دە ەرەكشە ورىن الاتىنىن اتاپ ٶتتٸ.
مەملەكەت باسشىسى قابىلدانعان شارالاردى جٷزەگە اسىرۋ نەتيجەسٸندە قالا كەلبەتٸ تەز ارادا ايتارلىقتاي ٶزگەرەتٸنٸنە, شاھار ٶزٸنٸڭ ٶركەندەۋ جولىنداعى جاڭا بيٸكتەردٸ باعىندىراتىنىنا سەنٸم بٸلدٸردٸ.
سوڭىندا نۇرسۇلتان نازارباەۆ تٷركٸستاندى تٷلەتۋگە اتسالىساتىن بارلىق تۇرعىندارعا تابىس تٸلەدٸ.
.jpeg)