Búgin «Nur Otan» partiiasynyń Tóraǵasy, QR Tuńǵysh Prezidenti-Elbasy Nursultan Nazarbaev elordadaǵy «Astana Opera» teatrynda ornalasqan №115 sailaý ýchaskesine kelip, daýys berdi, dep habarlaidy "Ult aqparat".
Atalǵan sailaý ýchaskesiniń tóraǵasy Marat Mýsinniń sózine qaraǵanda, ýchaskede 3 592 sailaýshy tirkelgen.
«Ýchaske ýaqytyly ashyldy, saǵat 07:00-den bastap turǵyndar daýys berýge kelip jatyr. Daýys berýge kelý qarqyny jaqsy. Sailaý ýchaskesindegi barlyq rásimder zańnamaǵa sáikes iske asyryldy», - dedi ýchaske tóraǵasy.
Sonymen qatar ol ýchaskege saǵat 06:00-den bastap baiqaýshylar, BAQ ókilderi kelgenin atap ótti. Tańerteńnen beri baiqaýshylar tarapynan eskertýler bolmady
Eske sala ketsek, búgin Qazaqstan aýmaǵynda qurylǵan barlyq sailaý ýchaskesinde daýys berý júrip jatyr.
Depýtattardy sailaý boiynsha daýys berý Qazaqstan Respýblikasynyń aýmaǵynda jáne odan tysqary jerde qurylǵan 10 060 sailaý ýchaskesinde júrgizilip otyr. Sailaý komissiialary daýys berý orny men ýaqyty týraly der ýaqytynda aqparat berdi. Elorda ýaqytymen saǵat 08.00-de jaǵdai boiynsha elimizdegi 9 994 sailaý ýchaskesinde jáne shet memleketterdegi qazaqstan ókildikteri janyndaǵy 17 sailaý ýchaskesinde daýys berý bastaldy.
Konstitýtsiialyq merzimge sai ótip jatqan Májilis sailaýyna elimizde tirkelgen 5 saiasi partiia, atap aitqanda, «Aýyl» halyqtyq-demokratiialyq patriottyq partiiasy, «Nur Otan» partiiasy, «ADAL» saiasi partiiasy, Qazaqstannyń «Aq jol» demokratiialyq partiiasy, «Qazaqstannyń Halyq partiiasy» depýtattyq mandattan úmitti.
Bul partiialar barlyq deńgeidegi jergilikti máslihattarǵa da óz kandidattaryn usynǵan.
Májiliske 5 partiiadan barlyǵy 312 kandidat, onyń ishinde: «Aýyl» halyqtyq-demokratiialyq patriottyq partiiasynan 19; «Nur Otan» partiiasynan 126; «ADAL» saiasi partiiasynan 16; Qazaqstannyń «Aq jol» demokratiialyq partiiasynan 38 jáne «Qazaqstannyń Halyq partiiasynan» 113 adam bar. Al jergilikti máslihattarǵa 832, onyń ishinde «Aýyl» HDPP-nan – 158, «Nur Otan» partiiasynan - 216, «ADAL» SP-nan – 215, «Aq jol» QDP-nan – 174, «Qazaqstan Halyq partiiasynan» 69 partiialyq tizim tirkeldi.
