بٷگٸن «Nur Otan» پارتيياسىنىڭ تٶراعاسى, قر تۇڭعىش پرەزيدەنتٸ-ەلباسى نۇرسۇلتان نازارباەۆ ەلورداداعى «استانا وپەرا» تەاترىندا ورنالاسقان №115 سايلاۋ ۋچاسكەسٸنە كەلٸپ, داۋىس بەردٸ, دەپ حابارلايدى "ۇلت اقپارات".
اتالعان سايلاۋ ۋچاسكەسٸنٸڭ تٶراعاسى مارات مۋسيننٸڭ سٶزٸنە قاراعاندا, ۋچاسكەدە 3 592 سايلاۋشى تٸركەلگەن.
«ۋچاسكە ۋاقىتىلى اشىلدى, ساعات 07:00-دەن باستاپ تۇرعىندار داۋىس بەرۋگە كەلٸپ جاتىر. داۋىس بەرۋگە كەلۋ قارقىنى جاقسى. سايلاۋ ۋچاسكەسٸندەگٸ بارلىق رەسٸمدەر زاڭناماعا سەيكەس ٸسكە اسىرىلدى», - دەدٸ ۋچاسكە تٶراعاسى.
سونىمەن قاتار ول ۋچاسكەگە ساعات 06:00-دەن باستاپ بايقاۋشىلار, باق ٶكٸلدەرٸ كەلگەنٸن اتاپ ٶتتٸ. تاڭەرتەڭنەن بەرٸ بايقاۋشىلار تاراپىنان ەسكەرتۋلەر بولمادى
ەسكە سالا كەتسەك, بٷگٸن قازاقستان اۋماعىندا قۇرىلعان بارلىق سايلاۋ ۋچاسكەسٸندە داۋىس بەرۋ جٷرٸپ جاتىر.
دەپۋتاتتاردى سايلاۋ بويىنشا داۋىس بەرۋ قازاقستان رەسپۋبليكاسىنىڭ اۋماعىندا جەنە ودان تىسقارى جەردە قۇرىلعان 10 060 سايلاۋ ۋچاسكەسٸندە جٷرگٸزٸلٸپ وتىر. سايلاۋ كوميسسييالارى داۋىس بەرۋ ورنى مەن ۋاقىتى تۋرالى دەر ۋاقىتىندا اقپارات بەردٸ. ەلوردا ۋاقىتىمەن ساعات 08.00-دە جاعداي بويىنشا ەلٸمٸزدەگٸ 9 994 سايلاۋ ۋچاسكەسٸندە جەنە شەت مەملەكەتتەردەگٸ قازاقستان ٶكٸلدٸكتەرٸ جانىنداعى 17 سايلاۋ ۋچاسكەسٸندە داۋىس بەرۋ باستالدى.
كونستيتۋتسييالىق مەرزٸمگە ساي ٶتٸپ جاتقان مەجٸلٸس سايلاۋىنا ەلٸمٸزدە تٸركەلگەن 5 ساياسي پارتييا, اتاپ ايتقاندا, «اۋىل» حالىقتىق-دەموكراتييالىق پاتريوتتىق پارتيياسى, «Nur Otan» پارتيياسى, «ADAL» ساياسي پارتيياسى, قازاقستاننىڭ «اق جول» دەموكراتييالىق پارتيياسى, «قازاقستاننىڭ حالىق پارتيياسى» دەپۋتاتتىق مانداتتان ٷمٸتتٸ.
بۇل پارتييالار بارلىق دەڭگەيدەگٸ جەرگٸلٸكتٸ مەسليحاتتارعا دا ٶز كانديداتتارىن ۇسىنعان.
مەجٸلٸسكە 5 پارتييادان بارلىعى 312 كانديدات, ونىڭ ٸشٸندە: «اۋىل» حالىقتىق-دەموكراتييالىق پاتريوتتىق پارتيياسىنان 19; «Nur Otan» پارتيياسىنان 126; «ADAL» ساياسي پارتيياسىنان 16; قازاقستاننىڭ «اق جول» دەموكراتييالىق پارتيياسىنان 38 جەنە «قازاقستاننىڭ حالىق پارتيياسىنان» 113 ادام بار. ال جەرگٸلٸكتٸ مەسليحاتتارعا 832, ونىڭ ٸشٸندە «اۋىل» حدپپ-نان – 158, «Nur Otan» پارتيياسىنان - 216, «ADAL» سپ-نان – 215, «اق جول» قدپ-نان – 174, «قازاقستان حالىق پارتيياسىنان» 69 پارتييالىق تٸزٸم تٸركەلدٸ.
