«Nur Otan» partiiasynyń Tóraǵasy Nursultan Nazarbaev «Edinaia Rossiia» búkilreseilik saiasi partiiasynyń tóraǵasy, Resei Federtsiiasynyń Qaýipsizdik keńesi tóraǵasynyń orynbasary Dmitrii Medvedevpen telefon arqyly sóilesti, dep habarlaidy "Ult aqparat" elbasy.kz-ke silteme jasap.
Dmitrii Medvedev Elbasyny Qazaqstan Respýblikasy Parlamenti Májilisi depýtattarynyń kezekti sailaýynda «Nur Otan» partiiasynyń aiqyn jeńiske jetýimen quttyqtady. Sondai-aq ol daýys berý nátijeleri jalpyulttyq senimdi jáne partiianyń eldi órkendetýge baǵyttalǵan strategiialyq baǵdaryn qoldaitynyn kórsetkenin atap ótti.
Nursultan Nazarbaev Dmitrii Medvedevke jyly lebizderi úshin rizashylyǵyn bildirip, Qazaqstan-Resei strategiialyq jáne odaqtastyq qatynastarynyń rýhy men mazmunyna sai keletin «Nur Otan» men «Edinaia Rossiia» partiialarynyń arasyndaǵy yntymaqtastyq joǵary deńgeide ekenine toqtaldy.
Taraptar aldaǵy ýaqytta da eki eldiń basty partiialary arasyndaǵy ózara is-qimyldy odan ári tereńdetý jáne keńeitý jóninde pikir bildirdi.
