Nursultan Nazarbaev 1 mamyr – Qazaqstan halqynyń birligi kúnin merekeleýge arnalǵan sharaǵa qatysty, dep habarlaidy "Ult aqparat" Aqordaǵa silteme jasap.
Tuńǵysh Prezident elorda turǵyndary men qonaqtary aldynda sóilegen sózinde barsha jurtty Qazaqstan halqynyń birligi kúnimen quttyqtady.
– Babalarymyz birliktiń arqasynda barlyq qiyndyqty eńserip, biz úshin osyndai Uly dalany saqtap qaldy. Biz birge olardyń armanyn oryndap, táýelsiz Qazaqstandy qurdyq, – dedi Elbasy.
Ol zamanaýi Qazaqstan barlyq jetistikke qoǵamdaǵy birliktiń arqasynda qol jetkizgenin atap ótip, bárin beibit ómir men turaqtylyqty baǵalaýǵa jáne saqtaýǵa shaqyrdy.
– Biz – baqytty halyqpyz. Birligimizdi saqtap, táýelsizdigimizdi qurmetteýimiz kerek. Damý baǵdarlamalarymyzdy júzege asyrý elimizdiń bolashaǵyn odan ári jarqyn ete túsedi, – dedi Tuńǵysh Prezident.
Nursultan Nazarbaev álemde etnosaralyq qaqtyǵystardyń saldarynan týyndaityn qazirgi zamanǵy syn-tegeýrinderge toqtaldy.
– Ár úige, ár otbasyna bereke, baqyt, amandyq jáne erteńgi kúnge degen senimdilik tileimin. Meiramdaryńyzben! – dep túiindedi Elbasy.
.jpeg)