Búgin Aqordada Qazaqstan Prezidenti Nursultan Nazarbaev eren eńbegimen erekshelengen el azamattaryn marapattaý barysynda barsha qazaqstandyqtardy Táýelsizdik kúnimen quttyqtady, dep habarlaidy QazAqparat.
«Barshańyzdy egemendi elimizdiń eń ulyq merekesi Táýelsizdik kúnimen shyn júregimmen quttyqtaimyn. Sizder arqyly barsha qazaqstandyqtardy quttyqtaimyn. Bul ǵasyrlar boiy azattyqty ańsaǵan ata-babamyzdyń armany bolǵan qasterli meiram. Abyroiy asqaq, bedeli biik mereili memleketimiz óziniń ekinshi shirek ǵasyrlyq belesine qadam basty. Osy jyldar ishinde biz az ýaqytta synnan súrinbei ótip, bereke-birliktiń arqasynda túrli qiyndyqtardy eńsere bildik. Qazir Qazaqstan tórtkúl dúniege tolyq tanylǵan, halyqaralyq qoǵamdastyqtyń beldi múshesi bolyp tanyldy. Aldymyzda turǵan mártebeli maqsat-mindetterge de birlese qol jetkizemiz dep senemin. Táýelsizdikke táý etetin kez kelgen halyq úshin budan asqan mańyzdy meiram bolmasa kerek», - dedi Nursultan Nazarbaev.
Sonymen qatar Memleket basshysy ulyq merekemiz qarsańynda, jyl saiynǵy dástúr boiynsha eren eńbegimen erekshelengen el azamattaryn marapattaý igi dástúrge ainalǵanyn atap ótti.
«Onyń ústine biyl elordamyzdyń Almatydan Aqmolaǵa kóshýine 20 jyl toldy. Jańa myńjyldyq qarsańynda saiyn dalada boi túzegen ásem Astana Táýelsizdiktiń tumaryna ainaldy. Osyndai aitýly kúni mártebeli marapatqa ie bolýdyń simvoldyq máni óte zor dep sanaimyn. Sondyqtan Aqordanyń tórine jinalǵan sizder úshin búgin erekshe mereili kún», - dedi Qazaqstan Prezidenti.
.jpeg)