بٷگٸن اقوردادا قازاقستان پرەزيدەنتٸ نۇرسۇلتان نازارباەۆ ەرەن ەڭبەگٸمەن ەرەكشەلەنگەن ەل ازاماتتارىن ماراپاتتاۋ بارىسىندا بارشا قازاقستاندىقتاردى تەۋەلسٸزدٸك كٷنٸمەن قۇتتىقتادى, دەپ حابارلايدى قازاقپارات.
«بارشاڭىزدى ەگەمەندٸ ەلٸمٸزدٸڭ ەڭ ۇلىق مەرەكەسٸ تەۋەلسٸزدٸك كٷنٸمەن شىن جٷرەگٸممەن قۇتتىقتايمىن. سٸزدەر ارقىلى بارشا قازاقستاندىقتاردى قۇتتىقتايمىن. بۇل عاسىرلار بويى ازاتتىقتى اڭساعان اتا-بابامىزدىڭ ارمانى بولعان قاستەرلٸ مەيرام. ابىرويى اسقاق, بەدەلٸ بيٸك مەرەيلٸ مەملەكەتٸمٸز ٶزٸنٸڭ ەكٸنشٸ شيرەك عاسىرلىق بەلەسٸنە قادام باستى. وسى جىلدار ٸشٸندە بٸز از ۋاقىتتا سىننان سٷرٸنبەي ٶتٸپ, بەرەكە-بٸرلٸكتٸڭ ارقاسىندا تٷرلٸ قيىندىقتاردى ەڭسەرە بٸلدٸك. قازٸر قازاقستان تٶرتكٷل دٷنيەگە تولىق تانىلعان, حالىقارالىق قوعامداستىقتىڭ بەلدٸ مٷشەسٸ بولىپ تانىلدى. الدىمىزدا تۇرعان مەرتەبەلٸ ماقسات-مٸندەتتەرگە دە بٸرلەسە قول جەتكٸزەمٸز دەپ سەنەمٸن. تەۋەلسٸزدٸككە تەۋ ەتەتٸن كەز كەلگەن حالىق ٷشٸن بۇدان اسقان ماڭىزدى مەيرام بولماسا كەرەك», - دەدٸ نۇرسۇلتان نازارباەۆ.
سونىمەن قاتار مەملەكەت باسشىسى ۇلىق مەرەكەمٸز قارساڭىندا, جىل سايىنعى دەستٷر بويىنشا ەرەن ەڭبەگٸمەن ەرەكشەلەنگەن ەل ازاماتتارىن ماراپاتتاۋ يگٸ دەستٷرگە اينالعانىن اتاپ ٶتتٸ.
«ونىڭ ٷستٸنە بيىل ەلوردامىزدىڭ الماتىدان اقمولاعا كٶشۋٸنە 20 جىل تولدى. جاڭا مىڭجىلدىق قارساڭىندا سايىن دالادا بوي تٷزەگەن ەسەم استانا تەۋەلسٸزدٸكتٸڭ تۇمارىنا اينالدى. وسىنداي ايتۋلى كٷنٸ مەرتەبەلٸ ماراپاتقا يە بولۋدىڭ سيمۆولدىق مەنٸ ٶتە زور دەپ سانايمىن. سوندىقتان اقوردانىڭ تٶرٸنە جينالعان سٸزدەر ٷشٸن بٷگٸن ەرەكشە مەرەيلٸ كٷن», - دەدٸ قازاقستان پرەزيدەنتٸ.
.jpeg)