«Nursultan Nazarbaev halyqaralyq áýejaiy» AQ baspasóz qyzmeti Air Astana áýe kompaniiasynyń tarifterdi kóterý týraly BAQ-taǵy jariialanymdaryna jaýap berdi, dep habarlaidy "Ult aqparat".
«Nursultan Nazarbaev halyqaralyq áýejaiy» AQ biylǵy qyrkúiek aiynda Tabiǵi monopoliialar salasyndaǵy QR zańnamasynyń talaptaryna sáikes ýákiletti memlekettik organǵa (QR IIDM Azamattyq aviatsiia komiteti) 2021-2025 jyldar kezeńine arnalǵan «Ishki áýe jelilerinde áýe kemesiniń ushyp-qonýyn qamtamasyz etý» qyzmeti boiynsha tarifti bekitýge ótinim men investitsiialyq baǵdarlama jiberdi.
QR «Tabiǵi monopoliialar týraly» Zańynyń 15-baby 2-tarmaǵyna sáikes ushý-qoný tarifi bes jyl jáne odan kóp merzimge belgilenedi.
Óz kezeginde, zańnyń 21-baby 5-tarmaǵyna sáikes investitsiialyq baǵdarlama tariftiń qoldanylý merzimine qarai bekitiledi. Investitsiialyq baǵdarlama jobasy aiasynda ushý alańyn kútip ustaý men ushý qaýipsizdigi jumystaryn qamtamasyz etýge 48 arnaiy tehnika men tetikterdi satyp alý josparlanǵan.
Qazirgi tarif 2003 jyly belgilen jáne 17 jyl boiy ózgermegen. Tabiǵi monopoliialar týraly zańnamanyń qazirgi talaptaryn oryndaý úshin áýejai ýákiletti organǵa tarifterdi bekitý ótinimimen júginýge mindetti.
«Bul ótinimde COVID-19 pandemiiasyna bailanysty áýejai shyǵyndary, ushý-qoný jolaǵyn, perron men turaq oryndaryn kúrdeli jóndeýge josparlanǵan shyǵyndar eskerilgen joq», - dep atap ótti áýejaidyń baspasóz qyzmeti.
Odan bólek, tarifterdi ózgertý rásimi óte kóp jumysty qajet etedi: ótinimniń ózin daiyndaýǵa 6 aidan astam ýaqyt kerek, munymen 5 bilikti maman jumys istedi jáne talap etiletin qujat kólemi 9 myńǵa jýyq paraqtan (8 896 bet) turady. Ýákiletti organ ótinimdi 180 kúntizbelik kúnde qarastyrady.
Nur-Sultan áýejaiyndaǵy retteletin tarifter deńgeii Qazaqstan men álemdegi basqa áýejailarǵa qaraǵanda aitarlyqtai tómen. Máselen, atalǵan bir qyzmet quny álemniń basqa áýejailarynda orta eseppen 3 ese joǵary (mysaly RF jáne kórshi elderdiń áýejailarynda ushý-qoný quny 10 dollardan asady, al Nur-Sultanda 3 dollardan da az).
Sonymen birge, Nur-Sultan áýejaiy kommertsiialyq kásiporyn bolyp sanalady jáne basqa kásiporyndardy óz esebinen sýbsidiialai almaidy. Memlekettik biýdjetten tikelei transhtar júrgizilmeidi. Qazaqstan áýejailaryndaǵy tarifterdi turaqty ustap turý barlyǵyn – qaýipsizdik pen qyzmetkerlerdiń jalaqysyn únemdeýge májbúrleidi. Áýejai qyzmetkerleriniń jalaqy deńgeii dál osyndai fýnktsiialardy oryndaityn áýe kompaniialardyń qyzmetkerlerine qaraǵanda birneshe ese tómen.
Mundai qarajat jetispeýshiligi jaǵdaiy bolashaqta ushý qaýipsizdigine, infraqurylymnyń jai-kúiine jáne áýejai qyzmetteriniń sapasyna keri yqpalyn tigizedi. Áýejailardy jabdyqtaý kerek.
Memlekettik baǵdarlamalardy iske asyrýdyń arqasynda astanalyq áýejai barlyq álemdik standarttar boiynsha jabdyqtalǵan jáne zamanaýi arnaiy tehnikalary bar. Áýejai jyl saiyn sertifikattaýdan ótedi, treningter ótkizedi jáne qyzmetkerlerdi oqytady. Bul rette jerde qyzmet kórsetetin Air Astana qyzmetteri ýákiletti organdardyń sertifikattaýynan ótpeidi.
«A.Qoshqarbaev myrzanyń ushý tarifterin ustap turý boiynsha ishki rezervterdiń joqtyǵy týraly pikirine kelsek, biz aviakompaniianyń sheteldik menedjerlerine tólenetin bonýstar, joǵary lizingtik mólsherlemeleri, BAQ qyzmetterin tóleýge jáne basqa da shyǵyndary túrindegi óz rezervteri jetkilikti dep esepteimiz. Áýe tasymaldaýshynyń osyndai pikirlerinen keiin ýákiletti organnyń bizdiń ótinishimizge qatysty sheshimi obektivti bolady dep úmittenemiz», - dep atap ótti Astana áýejaiynyń baspasóz qyzmeti.
