«نۇرسۇلتان نازارباەۆ حالىقارالىق ەۋەجايى» اق باسپاسٶز قىزمەتٸ Air Astana ەۋە كومپانيياسىنىڭ تاريفتەردٸ كٶتەرۋ تۋرالى باق-تاعى جارييالانىمدارىنا جاۋاپ بەردٸ, دەپ حابارلايدى "ۇلت اقپارات".
«نۇرسۇلتان نازارباەۆ حالىقارالىق ەۋەجايى» اق بيىلعى قىركٷيەك ايىندا تابيعي مونوپولييالار سالاسىنداعى قر زاڭناماسىنىڭ تالاپتارىنا سەيكەس ۋەكٸلەتتٸ مەملەكەتتٸك ورگانعا (قر ييدم ازاماتتىق اۆياتسييا كوميتەتٸ) 2021-2025 جىلدار كەزەڭٸنە ارنالعان «ٸشكٸ ەۋە جەلٸلەرٸندە ەۋە كەمەسٸنٸڭ ۇشىپ-قونۋىن قامتاماسىز ەتۋ» قىزمەتٸ بويىنشا تاريفتٸ بەكٸتۋگە ٶتٸنٸم مەن ينۆەستيتسييالىق باعدارلاما جٸبەردٸ.
قر «تابيعي مونوپولييالار تۋرالى» زاڭىنىڭ 15-بابى 2-تارماعىنا سەيكەس ۇشۋ-قونۋ تاريفٸ بەس جىل جەنە ودان كٶپ مەرزٸمگە بەلگٸلەنەدٸ.
ٶز كەزەگٸندە, زاڭنىڭ 21-بابى 5-تارماعىنا سەيكەس ينۆەستيتسييالىق باعدارلاما تاريفتٸڭ قولدانىلۋ مەرزٸمٸنە قاراي بەكٸتٸلەدٸ. ينۆەستيتسييالىق باعدارلاما جوباسى اياسىندا ۇشۋ الاڭىن كٷتٸپ ۇستاۋ مەن ۇشۋ قاۋٸپسٸزدٸگٸ جۇمىستارىن قامتاماسىز ەتۋگە 48 ارنايى تەحنيكا مەن تەتٸكتەردٸ ساتىپ الۋ جوسپارلانعان.
قازٸرگٸ تاريف 2003 جىلى بەلگٸلەن جەنە 17 جىل بويى ٶزگەرمەگەن. تابيعي مونوپولييالار تۋرالى زاڭنامانىڭ قازٸرگٸ تالاپتارىن ورىنداۋ ٷشٸن ەۋەجاي ۋەكٸلەتتٸ ورگانعا تاريفتەردٸ بەكٸتۋ ٶتٸنٸمٸمەن جٷگٸنۋگە مٸندەتتٸ.
«بۇل ٶتٸنٸمدە COVID-19 پاندەميياسىنا بايلانىستى ەۋەجاي شىعىندارى, ۇشۋ-قونۋ جولاعىن, پەررون مەن تۇراق ورىندارىن كٷردەلٸ جٶندەۋگە جوسپارلانعان شىعىندار ەسكەرٸلگەن جوق», - دەپ اتاپ ٶتتٸ ەۋەجايدىڭ باسپاسٶز قىزمەتٸ.
ودان بٶلەك, تاريفتەردٸ ٶزگەرتۋ رەسٸمٸ ٶتە كٶپ جۇمىستى قاجەت ەتەدٸ: ٶتٸنٸمنٸڭ ٶزٸن دايىنداۋعا 6 ايدان استام ۋاقىت كەرەك, مۇنىمەن 5 بٸلٸكتٸ مامان جۇمىس ٸستەدٸ جەنە تالاپ ەتٸلەتٸن قۇجات كٶلەمٸ 9 مىڭعا جۋىق پاراقتان (8 896 بەت) تۇرادى. ۋەكٸلەتتٸ ورگان ٶتٸنٸمدٸ 180 كٷنتٸزبەلٸك كٷندە قاراستىرادى.
نۇر-سۇلتان ەۋەجايىنداعى رەتتەلەتٸن تاريفتەر دەڭگەيٸ قازاقستان مەن ەلەمدەگٸ باسقا ەۋەجايلارعا قاراعاندا ايتارلىقتاي تٶمەن. مەسەلەن, اتالعان بٸر قىزمەت قۇنى ەلەمنٸڭ باسقا ەۋەجايلارىندا ورتا ەسەپپەن 3 ەسە جوعارى (مىسالى رف جەنە كٶرشٸ ەلدەردٸڭ ەۋەجايلارىندا ۇشۋ-قونۋ قۇنى 10 دوللاردان اسادى, ال نۇر-سۇلتاندا 3 دوللاردان دا از).
سونىمەن بٸرگە, نۇر-سۇلتان ەۋەجايى كوممەرتسييالىق كەسٸپورىن بولىپ سانالادى جەنە باسقا كەسٸپورىنداردى ٶز ەسەبٸنەن سۋبسيدييالاي المايدى. مەملەكەتتٸك بيۋدجەتتەن تٸكەلەي ترانشتار جٷرگٸزٸلمەيدٸ. قازاقستان ەۋەجايلارىنداعى تاريفتەردٸ تۇراقتى ۇستاپ تۇرۋ بارلىعىن – قاۋٸپسٸزدٸك پەن قىزمەتكەرلەردٸڭ جالاقىسىن ٷنەمدەۋگە مەجبٷرلەيدٸ. ەۋەجاي قىزمەتكەرلەرٸنٸڭ جالاقى دەڭگەيٸ دەل وسىنداي فۋنكتسييالاردى ورىندايتىن ەۋە كومپانييالاردىڭ قىزمەتكەرلەرٸنە قاراعاندا بٸرنەشە ەسە تٶمەن.
مۇنداي قاراجات جەتٸسپەۋشٸلٸگٸ جاعدايى بولاشاقتا ۇشۋ قاۋٸپسٸزدٸگٸنە, ينفراقۇرىلىمنىڭ جاي-كٷيٸنە جەنە ەۋەجاي قىزمەتتەرٸنٸڭ ساپاسىنا كەرٸ ىقپالىن تيگٸزەدٸ. ەۋەجايلاردى جابدىقتاۋ كەرەك.
مەملەكەتتٸك باعدارلامالاردى ٸسكە اسىرۋدىڭ ارقاسىندا استانالىق ەۋەجاي بارلىق ەلەمدٸك ستاندارتتار بويىنشا جابدىقتالعان جەنە زاماناۋي ارنايى تەحنيكالارى بار. ەۋەجاي جىل سايىن سەرتيفيكاتتاۋدان ٶتەدٸ, ترەنينگتەر ٶتكٸزەدٸ جەنە قىزمەتكەرلەردٸ وقىتادى. بۇل رەتتە جەردە قىزمەت كٶرسەتەتٸن Air Astana قىزمەتتەرٸ ۋەكٸلەتتٸ ورگانداردىڭ سەرتيفيكاتتاۋىنان ٶتپەيدٸ.
«ا.قوشقارباەۆ مىرزانىڭ ۇشۋ تاريفتەرٸن ۇستاپ تۇرۋ بويىنشا ٸشكٸ رەزەرۆتەردٸڭ جوقتىعى تۋرالى پٸكٸرٸنە كەلسەك, بٸز اۆياكومپانييانىڭ شەتەلدٸك مەنەدجەرلەرٸنە تٶلەنەتٸن بونۋستار, جوعارى ليزينگتٸك مٶلشەرلەمەلەرٸ, باق قىزمەتتەرٸن تٶلەۋگە جەنە باسقا دا شىعىندارى تٷرٸندەگٸ ٶز رەزەرۆتەرٸ جەتكٸلٸكتٸ دەپ ەسەپتەيمٸز. ەۋە تاسىمالداۋشىنىڭ وسىنداي پٸكٸرلەرٸنەن كەيٸن ۋەكٸلەتتٸ ورگاننىڭ بٸزدٸڭ ٶتٸنٸشٸمٸزگە قاتىستى شەشٸمٸ وبەكتيۆتٸ بولادى دەپ ٷمٸتتەنەمٸز», - دەپ اتاپ ٶتتٸ استانا ەۋەجايىنىڭ باسپاسٶز قىزمەتٸ.
