Ashyq qosymshasy iske qosylǵannan beri Nursultan Nazarbaev halyqaralyq áýejaiyna kelgen 10 myń adamnyń mártebesi anyqtalǵan, dep habarlaidy "Ult aqparat".
Ortalyq kommýnikatsiialar qyzmetinde ótken brifingide áýejaidyń baspasóz hatshysy Anýar Shalekenov osyndai málimet berdi.
«Nursultan Nazarbaev halyqaralyq áýejaiynda 10 mamyrdan bastap Ashyq testileý túrinde engizildi. 12 mamyrdan bastap tolyqqandy jumys istei bastady. Eki kúnniń ishinde 9943 adam tekserildi. 8 jolaýshydan qyzyl tústi, 8 jolaýshydan sary tústi mártebe anyqtaldy. Áýejaidyń atqarýshy direktory Dáýlet Hamzin aityp ketkendei, nysannyń tórt shyǵý esiginde de arnaiy jolaqtar belgilengen. Iaǵni, ekspress shyǵý jolaǵynan jeke sáikestendirý nómiri (JSN) arqyly ótýge bolady. Nemese aldyn ala mobildi qosymshany júktep alyp sol arqyly kirip-shyǵýǵa múmkindik berilgen», - dedi áýejai ókili.
