Shette júrgen baýyrlarǵa janashyr bolý - ár qazaqstandyqqa qamqorlyq jasaýmen birdei mańyzdy. Búgin elordadaǵy Táýelsizdik saraiynda ótken Dúniejúzi qazaqtarynyń V quryltaiynda Qazaqstan Prezidenti Nursultan Nazarbaev osylai dedi, dep habarlaidy "Ult aqparat" QazAqparat agenttigine silteme jasap.
"Men úshin shette júrgen baýyrlarǵa janashyr bolý, ár qazaqstandyqqa qamqorlyq jasaýmen birdei mańyzdy. "Ár qazaq - meniń jalǵyzym" degen óleń jolyn quryltai minbesinen álemdegi árbir qazaqqa joldaimyn. Sizderge aitarym, aýyldaryńyzǵa qaitqannan keiin alystaǵy aǵaiynǵa meniń duǵai sálemimdi jetkizińizder. Qazaq balasy qai elde tursa da, olar Uly dalada Máńgilik el quryp jatqan baitaq Qazaqstannyń ajyramas bólshegi bolyp tabylady. Júreginiń túbinde osynysy ustasyn", - dedi Elbasy.
QR Prezidenti quryltaiǵa shetten kelgen qandastarymyzǵa mundai jiyn kúnde ótip jatpaǵandyǵyn, sondyqtan elordany, EKSPO-2017 kórmesin tamashalap qaitýǵa keńes berdi.
"Búgin barsha qazaqtyń basyn biriktirer salmaqty oilar aitylyp, izgi ister bastaý alaryna senimdimin. Sizderdiń de oilaryńyzdy tyńdaǵym keledi. Eki kúnnen soń barsha musylmandar úshin qasietti ait merekesi bastalady. Biz umytylyp, óship ketken ata dinimizdi qaitaryp, Qazaqstanda 2500-den astam meshit ashylyp, elimizdi imandylyqqa shaqyryp otyrǵan halyqpyz", - degen memleket basshysy barsha qazaqstandyqty aldaǵy ait merekesimen quttyqtady.
.jpeg)