Búgin, 6 shildede Qazaqstan Prezidenti Nursultan Nazarbaev 77 jasqa tolyp otyr, - dep habarlaidy kaz.tengrinews.kz tilshisi.
Osydan 77 jyl buryn Ábish pen Áljan Nazarbaevtardyń shańyraǵynda kópten kútken ul ómirge keldi, "Sábige at tańdaýdyń ózi jatqan bir hikaiaǵa ainaldy. Toiǵa jinalǵan aǵaiyn-týys túrli esimderdi tus-tustan aityp jatty. Eń aqyrynda jańa týǵan uldyń ájesi Myrzabala mynadai usynys bildirdi: "Meniń súiikti nemerem eki birdei esimdi alyp júrsin. Onyń aty Nursultan bolsyn", -dep jazylǵan Memleket basshysynyń jeke paraqshasynda.
Táýelsizdik jyldary Prezidenttiń barlyq qyzmeti, barlyq áleýmettik-ekonomikalyq reformalar tek halyqtyń igiligi úshin jasaldy dep batyl aitýǵa bolady. Qazaqstanda barlyq deńgeidegi jańa oqý oryndary, aýrýhanalar salý jalǵasýda, qazaqstandyqtardyń ómiri sapasyn jaqsartýǵa baǵyttalǵan birqatar áleýmettik baǵdarlamalar júzege asýda. Júieli túrde halyqpen kezdesýler ótkizip, alýan túrli adamdarmen júzdese júrip, Nursultan Nazarbaev únemi "el tamyrynyń búlkilin" tap basyp, tanyp otyrady. Qazaqstannyń birde-bir óńirin, birde-bir iri kásipornyn nazarynan tys qaldyrmaidy, respýblikanyń barlyq túitkildi máseleleri týraly biledi.
Onyń halyq qamyn oilaýy jalpyhalyqtyq qurmet pen súiispenshilik retinde ózine qaitty deýge bolady. Táýelsizdik jyldarynda elimizdiń azamattary Memleketimizdiń basshysyna tereń qurmeti men berik senimin kórsetti. Sóitip, 2011 jylǵy Qazaqstan Prezidentiniń sailaýynda Nursultan Nazarbaev sailaýshylar daýsynyń 95 paiyzdan astamyna ie bolyp, aiqyn jeńiske jetti.
"Jas Nazarbaev sonyń bárin basynan ótkerip, bárin jeńe bildi, óte jaqsy bilim alyp, «ot-jalyndy» mamandyqty igerip, azamat qataryna qosyldy. Elmen jumys júrgizetin basshylyq qyzmetterge satylap joǵarylady. Táýelsiz Qazaqstannyń Tuńǵysh Prezidenti boldy. Sondyqtan Nursultan Nazarbaevty tek «halyq arasynan shyqty» dep aitý az. Ol halyqtyń óz qanynan jaralǵan bir bólshegi bolatyn jáne solai bolyp qala beredi, sonymen qatar ol buryn-sońdy qazaq jerinde týǵan eń dara uldarynyń biri ekeni sózsiz", - dep jazylǵan Memleket basshysynyń jeke paraqshasynda.
Halyqtyń osyndai qýatty qoldaýy men senimi arqasynda Prezident Qazaqstandy damyǵan ekonomikasy, áleýmettik kepildikteri jáne qoǵamdaǵy turaqtylyǵy bar ozyq kóshbasshy memleketter qataryna shyǵara otyryp, óz ideialary men bastamalaryn tabysty júzege asyryp keledi.
Nursultan Nazarbaevtyń ataqtary men nagradalary: Memleket basshysynyń qyzmetiniń kólemi keń jáne kóp qyrly, tek saiasat jáne memlekettik basqarý salalarymen ǵana shektelip qalmaidy. Nursultan Nazarbaev Qazaqstan armiiasynyń Joǵarǵy Bas Qolbasshysy, Qazaqstan halqy Assambleiasynyń jáne "Nur-Otan" partiiasynyń Tóraǵasy bolyp tabylady. Bul onyń respýblikanyń osy mańyzdy qoǵamdyq institýttaryn qalyptastyrýdaǵy jáne nyǵaitýdaǵy orasan tarihi róliniń zańdy kórinisine ainaldy.
Laýazymdyq mártebesi: Qazaqstan Respýblikasynyń Tuńǵysh Prezidenti - Elbasy (Ult kóshbasshysy); Qazaqstan Respýblikasy Qarýly Kúshteriniń Bas qolbasshysy; Qazaqstan Respýblikasy Qaýipsizdik Keńesiniń tóraǵasy; Dúniejúzi qazaqtary qaýymdastyǵynyń tóraǵasy; Qazaqstan halqy assambleiasynyń tóraǵasy; "Nur Otan" partiiasynyń tóraǵasy; Qazaqstan Respýblikasy Prezidenti janyndaǵy Shetel investorlary keńesiniń tóraǵasy; Qazaqstan Respýblikasy Prezidenti janyndaǵy Kásipkerler keńesiniń tóraǵasy; Qazaqstan Respýblikasy Ulttyq qoryn basqarý jónindegi keńestiń tóraǵasy;Nazarbaev Ýniversiteti Joǵary qamqorlyq keńesiniń tóraǵasy.
Sondai-aq, Nazarbaev - Qazaqstannyń jańa astanasynyń negizin salýshy. Prezidenttiń 1998 jyldyń 6 mamyryndaǵy qaýlysyna sáikes, Aqmola Astana bop ózgertildi. Resmi túrde 1997 jyldyń jeltoqsanynda Astana resmi túrde Qazaqstan astanasy boldy.
Al biyl Astana qalasy 19 jyldyǵyn toilap otyr.
Jaqynda Memleket basshysynyń esimi Astana Halyqaralyq áýejaiyna berildi. Maýsym aiynda Nursultan Nazarbaevtyń qurmetine Astanadaǵy áýejaidyń ataýy ózgertilgen bolatyn. Sondai-aq, Prezidenttiń esimimen elimizde Nazarbaev Ýniversiteti bar.
.jpeg)