Jurtqa berilýi tiis 10 sotyq jerdi qurylys kompaniialary alyp, birtipti úiler salyp satatyn bolsa, baspananyń baǵasy aspandap ketýi múmkin. Májilis depýtattary osyǵan alańdap otyr.
Sebebi qurylys kompaniialary óz paiyzdaryn mindetti túrde qosady. Onymen qoimai aqshany alyp, úi turmaq irgetasyn salmai ketetinder jeterlik. Sondyqtan qurylys kompaniialaryna 10 sotyq jerdi berý qaýipti degen depýtattar ipotekalyq nesieni de 8 paiyzdan asyrmaýdy talap etpekshi.
Biraq Ulttyq ekonomika ministrligi baǵdarlamany áli ázirlemepti. Degenmen depýtattar halyqtyń narazylyǵyn týdyryp almaý úshin búginnen bastap baǵdarlamany birge jasaýǵa kirispekshi.
«Múmkin halyqqa ózderi salyp alatyndai jaǵdai jasap, belgili bir jobalardy usyný kerek shyǵar. Bireýdiń 3 balasy bar, bireýdiń on balasy bar degendei, soǵan yńǵailap, qarajatyna qarai salyp alady. Al eger biz qurylys kompaniialaryna beretin bolsaq, onda úilerdiń baǵasy qymbattap ketýi múmkin», - deidi QR Parlamenti Májilisiniń depýtaty Nurtai Sabilianov.
