جۇرتقا بەرٸلۋٸ تيٸس 10 سوتىق جەردٸ قۇرىلىس كومپانييالارى الىپ, بٸرتيپتٸ ٷيلەر سالىپ ساتاتىن بولسا, باسپانانىڭ باعاسى اسپانداپ كەتۋٸ مٷمكٸن. مەجٸلٸس دەپۋتاتتارى وسىعان الاڭداپ وتىر.
سەبەبٸ قۇرىلىس كومپانييالارى ٶز پايىزدارىن مٸندەتتٸ تٷردە قوسادى. ونىمەن قويماي اقشانى الىپ, ٷي تۇرماق ٸرگەتاسىن سالماي كەتەتٸندەر جەتەرلٸك. سوندىقتان قۇرىلىس كومپانييالارىنا 10 سوتىق جەردٸ بەرۋ قاۋٸپتٸ دەگەن دەپۋتاتتار يپوتەكالىق نەسيەنٸ دە 8 پايىزدان اسىرماۋدى تالاپ ەتپەكشٸ.
بٸراق ۇلتتىق ەكونوميكا مينيسترلٸگٸ باعدارلامانى ەلٸ ەزٸرلەمەپتٸ. دەگەنمەن دەپۋتاتتار حالىقتىڭ نارازىلىعىن تۋدىرىپ الماۋ ٷشٸن بٷگٸننەن باستاپ باعدارلامانى بٸرگە جاساۋعا كٸرٸسپەكشٸ.
«مٷمكٸن حالىققا ٶزدەرٸ سالىپ الاتىنداي جاعداي جاساپ, بەلگٸلٸ بٸر جوبالاردى ۇسىنۋ كەرەك شىعار. بٸرەۋدٸڭ 3 بالاسى بار, بٸرەۋدٸڭ ون بالاسى بار دەگەندەي, سوعان ىڭعايلاپ, قاراجاتىنا قاراي سالىپ الادى. ال ەگەر بٸز قۇرىلىس كومپانييالارىنا بەرەتٸن بولساق, وندا ٷيلەردٸڭ باعاسى قىمباتتاپ كەتۋٸ مٷمكٸن», - دەيدٸ قر پارلامەنتٸ مەجٸلٸسٸنٸڭ دەپۋتاتى نۇرتاي سابيليانوۆ.
