«SarapTime» saraptaý klýbynyń kezekti otyrysy ótip, onda «Nurly jer» - memlekettiń jańa turǵyn úi saiasaty baǵdarlamasy talqylanǵan edi.
Otyrys barysynda sóz alǵan «Qazaqstan qurylysshylar Assotsiatsiasy» tóraǵasynyń mindetin atqarýshy Marat Ydyrysov «Nurly jer» baǵdarlamasynyń maqsaty jaily óz oiyn aita kelip, «eger bul baǵdarlama ekonomikaǵa serpin beretin bolsa, odan naqty qandai nátije kútemiz, ol ekonomikaǵa nendei serpin alyp keledi degen saýaldar týyndaidy. Jáne bul baǵdarlama arqyly eldegi qurylys salasynyń naqty qansha paiyzǵa ósýi josparlanatynyn da baǵdarlamanyń kontseptsiiasynan kóre almadym» dedi.
Sondai-aq, ol: «Kontseptsiiamen tanysyp shyqqanda bul baǵdarlamanyń naqty maqsatyn túsine almadym. Elde 1,5 million turǵyn úi salý delinedi. Menińshe, bul baǵdarlamanyń úsh maqsaty bolýy kerek. Birinshiden, azamattardyń hal-aýhalyn kóterý. Bul – qoljetimdi baspananyń bolýy degen sóz. Ekinshiden, bul baǵdarlamaǵa qurylys kompaniialarynyń qatysý jáne olardy qoldaý máselesi. Bul – qurylys materialdardyń sapasy, jumystyń ýaqytynda oryndalýy, salynatyn úidiń sapasyna tikelei qatysty nárse. Sondyqtan da mańyzdylyǵy joǵary. Úshinshiden, baǵdarlama jyljymaityn múlik salasyndaǵy saýdaǵa, operatsiialarǵa serpin beredi. Qazirgi statistikaǵa qarasaq, reitingi jaǵynan eń joǵary turǵan ol - jyljymaityn múlik operatsiialaryn jasaityn uiymdar. Mine, osyndai úsh máseleni baǵdarlamada keńinen ári naqtylaý qajet dep oilaimyn. Eń jaqsysy, bul baǵdarlama Qyzylorda oblysy ákimshiligi jasaǵan, infroqurylymyn júrgizilgen jer telimderin 6600 adamǵa berý jumysy úlgi retinde alýyna ábden bolady. Bul – baǵdarlamanyń bolashaǵynyń naqty kórinisi deýge bolady» dedi.
Esterińizge sala keteiik, «SarapTime» saraptaý klýby sarapshylardyń, depýtattar me ministrlik ókilderiniń jáne qoǵamdyq uiymdardyń qatysýymen «Nurly jer» baǵdarlamasyn talqyǵa salyp, baǵdarlama kontseptsiiasyn jasaýshylarǵa keńester bergen bolatyn.
.jpeg)