Ótken jylda 38 250 qazaqstandyq otbasy baspanamen qamtyldy, bul rette árbir tórtinshi qaryz «Nurly jer» memlekettik turǵyn úi baǵdarlamasy aiasynda berildi. Bul týraly búgin QR Úkimeti alańynda ótken baspasóz máslihatynda «Turǵynúiqurylysjinaqbanki» AQ-nyń basqarma tóraiymy Lázzat Ibragimova habarlady.
«Úsh jyl ishinde «Nurly jer» baǵdarlamasy boiynsha biz 100 mlrd teńge qarajatqa qazaqstandyqtarǵa páter berip, baspanamen qamtamasyz ettik. 2018 eń rekordty jyl boldy – bizdiń salymshylarymyz ben kezekte turǵandar 8 659 páter aldy. Qazir bizdiń bankte 1,2 mln ashylǵan depozit bar, olardyń ishinde 150 myńnan astam salymshy - jergilikti atqarýshy organdardyń kezeginde turǵandar. Bul baspanaǵa 64 mlrd teńge bólindi, salymshylardyń shamamen 10%-y osy qunǵa tolyǵymen bank ishinde qarjy jinap, tolyq óteýdi júzege asyrdy», — dep aqparat berdi L. Ibragimova.
Turǵynúiqurylysjinaqbankiniń basqarma tóraiymy atap ótkendei, «Nurly jer» eldegi jeńildigi eń kóp baǵdarlama bolyp sanalady. Birinshiden, Qazaqstan Respýblikasynyń azamattyǵyna nemese oralman mártebesine ie bolý kerek, al ekinshiden, sońǵy 5 jylda salymshyda turǵyn úi bolmaýy kerek.
«Bank tek baspanasy joqtardy ǵana qamtamasyz etedi. Bul adamdar bizge ákimdikterden kelip, tólem qabilettiligin baǵalaýdan ótedi jáne sol nesie boiynsha alǵashqy tólem sharttaryna sáikes 5% mólsherinde 20% qaryz alady. Baǵdarlama sharttaryna sáikes jalǵa beriletin turǵyn úidiń 1 sh.m. quny tirkelgen jáne Astana, Almaty, Atyraý jáne Aqtaý qalalarynda 180 000 teńgeni quraidy. Basqa óńirlerde baǵa 140 000 teńgeden aspaidy», — dep habarlady ol.
2019 jyly Turǵyn qurylys jinaq banki óz salymshylaryn «Nurly jer» baǵdarlamasy boiynsha 59,7 mlrd. teńgemen nesielendirmek. Turǵyn úi memlekettik baǵdarlama aiasynda Turǵyn úi qurylys jinaq bank klientteri úshin elimizdiń barlyq óńirinde beriletin bolady. Biyl aimaqtyq ákimdikterdiń málimetteri boiynsha, taǵy 14 220 páter paidalanýǵa beriledi dep josparlanyp otyr.
Jalpy memlekettik baǵdarlama iske qosylǵan ýaqyttan beri (2016 jyldyń sońynan) 13 197 qazaqstandyq qonys toiyn atap ótti. Olarǵa sharshy metrdi satyp alýǵa 98,2 mlrd teńge mólsherinde qaryz berildi. Olardyń 69%-y respýblikalyq biýdjetten bólindi, qalǵan 31%-y «Turǵynúiqurylysjinaqbanki» AQ-nyń menshikti qarajaty. Eki bólmeli páterlerge suranys joǵary, satylǵan turǵyn úidiń 60%-dan astamy eki bólmeli páterler.
«Memleket basshysy Qazaqstan halqyna arnaǵan «Qazaqstandyqtardyń ál-aýqatynyń ósýi: tabys pen turmys sapasyn arttyrý» atty jyl saiynǵy Joldaýynda «Nurly jer» baǵdarlamasyna oń baǵa berdi. Baǵdarlama turǵyn úi qurylysyna qýatty serpin berdi jáne myńdaǵan qazaqstandyqtyń baspanaly bolýyna kómektesti. Onyń kómegimen jergilikti ákimshilikterde kezekte turǵan, biýdjettik salada jumys isteitin jáne tabysy naryqtan turǵyn úi satyp alýǵa jetpeitin turǵyndardyń jeńildetilgen baǵamen páter satyp ala alady», — dedi L. Ibragimova.
Aita ketý kerek, tutastai alǵanda, Turǵynúiqurylysjinaqbanki arqyly «Nurly zger» baǵdarlamasy bastapqy naryqta satylǵan turǵyn úidiń 50%-yn quraidy. Jalpy, 2018 jyly TÚQJB 38 295 qazaqstandyq otbasyna turǵyn úi satyp alýǵa kómektesti. Qazirgi ýaqytta 1,3 mln qazaqstandyq bankke ózderiniń jinaq aqshasyna senip tapsyrǵan. Olardyń ózderiniń esebinde 624,2 mlrd teńge jinady. Bolashaq turǵyn úige qarjy jinaý úshin olarǵa bank qana emes, sonymen birge memleket te kómektesedi. Turǵynúiqurylysjinaqbankiniń barlyq salymshysy 20% memlekettik syiaqy alady. Ol 200 AEK-ten (2019 jyly 505 000 teńge) aspaityn mólsherdegi qarjyǵa qosylady. 2018 jyldyń qorytyndysy boiynsha, aǵymdaǵy jyldyń aqpan aiynyń birinshi jartysynda bank salymshylary memlekettik syiaqy alady.
Eske sala keteiik, «Qazaqstannyń Turǵynúiqurylysjinaqbanki» AQ – turǵyn úi qurylys jinaqtary júiesin júzege asyratyn elimizdegi jalǵyz bank. Bank Eýropalyq qurylys jinaq kassalary federatsiiasyna jáne Halyqaralyq turǵyn úidi qarjylandyrý odaǵyna kiredi. Turǵynúiqurylysjinaqbankiniń jalǵyz aktsioneri «Báiterek» Ulttyq basqarýshy holdingi» AQ bolyp sanalady.
