Parlamenttiń Májilis jáne Senat Tóraǵalary Nurlan Nyǵmatýlin men Máýlen Áshimbaev koronavirýstan qaitys bolǵan qazaqstandyqtardy eske aldy, dep habarlaidy "Ult aqparat".
Búgin Májilis pen Senat ǵimarattaryndaǵy Memlekettik Tý tómen túsirildi.
Memleket Basshysy Qasym-Jomart Toqaev jariialaǵan Jalpyulttyq aza tutý kúninde Parlamentte koronavirýs indetinen qurban bolǵan azamattarǵa arnalǵan eske alý rásim ótti.
Parlamenttiń Májilis jáne Senat tóraǵalary Nurlan Nyǵmatýlin men Máýlen Áshimbaev barlyq depýtattyq korpýs atynan koronavirýs indetinen qaitys bolǵan qazaqstandyqtardy bir minýttyq únsizdikpen eske aldy.
Qazaqstan Respýblikasy Parlamentiniń depýtattary koronavirýs indeti saldarynan týystary men jaqyndarynan aiyrylǵan qazaqstandyqtardyń qaiǵylaryna ortaqtasa otyryp, kóńil aitady.
