Búgin Palata spikeri Nurlan Nyǵmatýlinniń tóraǵalyǵymen Májilistiń Biýro otyrysy ótip, onda aldaǵy jalpy otyrystyń kún tártibi naqtylandy, dep habarlaidy tómengi palatanyń baspasóz qyzmeti.
Depýtattar qaraýyna Elbasy bastamashy bolǵan «Qazaqstan Respýblikasynyń sot júiesi men sýdialarynyń mártebesi týraly» Qazaqstan Respýblikasynyń Konstitýtsiialyq zańyna ózgerister men tolyqtyrýlar engizý týraly» Konstitýtsiialyq zań jobasy ilespe túzetýlerimen usynylmaq.
Sonymen qatar, osy kúni Májilis balanyń quqyqtaryn qorǵaý jónindegi fýnktsiialardy júzege asyratyn uiymdardyń qyzmeti máseleleri boiynsha ózgerister men tolyqtyrýlar engizý týraly zań jobasyn ekinshi oqylymda qaramaq.
Sondai-aq, Qazaqstan men Resei Úkimetteri arasyndaǵy elimizge munai jáne munai ónimderin jetkizý salasyndaǵy saýda-ekonomikalyq yntymaqtastyq týraly kelisimge ózgerister engizý týraly hattamany ratifikatsiialaý týraly zań jobasyn qaraý kózdelgen.
Budan basqa, Biýro otyrysynda 2019 jyldyń qyrkúiek aiynda Astana qalasynda Eýraziia elderi parlamentteri tóraǵalarynyń tórtinshi keńesin daiyndaý jáne ótkizý týraly máseleler qaraldy.
.jpeg)